বিদেশী ৰাষ্ট্ৰ অষ্ট্ৰিয়াত সংঘটিত হৈছে ভয়ংকৰ ঘটনা। দেশখনৰ এখন বিদ্যালয়ত অস্ত্ৰধাৰী দুৰ্বৃত্তই প্ৰৱেশ কৰি নিৰ্বিচাৰ গুলীচালনা কৰাত কেইবাজনো লোকৰ মৃত্যু হোৱাৰ খবৰ আহিছে। এই ঘটনাত পাঁচজন লোকৰ মৃত্যু হোৱাৰ কথা নিশ্চিত কৰিছে। অৱশ্যে মৃতকৰ সংখ্যা আৰু অধিক বৃদ্ধি পোৱাৰ সম্ভাৱনা আছে বুলি জনাইছে প্ৰশাসনে।
ইফালে স্থানীয় সংবাদ মাধ্যমে জনোৱা অনুসৰি, এই ঘটনাত কেইবাগৰাকীও শিশু আৰু শিক্ষক-শিক্ষয়িত্ৰী আহত হৈছে।
জানিব পৰা অনুসৰি বৰ্তমান আৰক্ষীয়ে বিদ্যালয়খন ঘেৰাও কৰি লৈ তন্ন তন্নকৈ তালাচী অভিযান চলাই আছে। মঙলবাৰে পুৱা সংঘটিত এই গুলীচালনাৰ খবৰ পোৱাৰ পিছতে আৰক্ষী উপস্থিত হৈ তদন্ত আৰম্ভ কৰিছে।
এই ভয়ংকৰ কাণ্ড সংঘটিত কৰা দুৰ্বৃত্তই বিদ্যালয়খনৰ শৌচালয়ত নিজকে গুলীয়াই হত্যা কৰে। কি কাৰণত এই গুলীচালনা সংঘটিত কৰিছে সেই কথা এতিয়ালৈ জানিব পৰা হোৱা নাই।
