বিগত বৰ্ষত শ্বেখ হাছিনাৰ চৰকাৰ পতনৰ পিছৰে পৰা বাংলাদেশৰ ৰাজনৈতিক পৰিস্থিতি অহৰহ পৰিৱর্তন হৈ আহিছে৷ যোৱা কেইমাহমানৰ পৰা ঢাকাত বহু বৃহৎ প্ৰতিবাদ সংঘটিত হৈছে।
এতিয়া বাংলাদেশত আৰম্ভ হৈছে এক নতুন আন্দোলন। ইয়াৰ কাৰণ হৈছে খলিলুৰ ৰহমানক ৰাষ্ট্ৰীয় নিৰাপত্তা উপদেষ্টা (এন এছ এ) হিচাপে নিযুক্তি। ৯ এপ্ৰিলত মহম্মদ ইউনুছৰ চৰকাৰে হঠাতে খলিলুৰ ৰহমানক নিযুক্তি দিয়ে।
এই সিদ্ধান্ত দেশৰ সেনা প্ৰধান ৱাকাৰ উজ জামান বহিঃৰাজ্যত থকাৰ সময়ত লোৱা হৈছিল। কোৱা হৈছে যে এই সিদ্ধান্তক লৈ ক্ষুব্ধ সেনা হৈছে প্ৰধানগৰাকী। এনে পৰিস্থিতিত ঢাকাত চৰকাৰ আৰু সেনাৰ সংঘাত বাঢ়িব পাৰে আৰু মহম্মদ ইউনুছে সেনা প্ৰধানৰ ক্ৰোধৰ সন্মুখীন হ’বলগীয়া হ’ব পাৰে।
সংবাদ মাধ্যমৰ বাতৰি অনুসৰি, খলিলুৰ ৰহমানক ৰাষ্ট্ৰীয় নিৰাপত্তা উপদেষ্টা (এন এছ এ) নিযুক্তি দিয়াৰ পিছত তেওঁৰ আৰু সেনা প্ৰধান জেনেৰেল ৱাকাৰ জামানৰ সম্পৰ্কক লৈ বহু প্ৰশ্ন উত্থাপন হৈছে।
এনে পৰিস্থিতিত জেনেৰেল জামানৰ লগত তেওঁৰ সংঘাত হ’ব পাৰে বুলি ভবা হৈছে, কাৰণ জেনেৰেল জামান দেশৰ আভ্যন্তৰীণ আৰু বহিঃ সুৰক্ষাৰ বাবে দায়বদ্ধ। বিশেষ কথাটো হ’ল যেতিয়া জেনেৰেল জামান ৰাছিয়া আৰু ক্ৰ’ৱেচিয়া ভ্ৰমণলৈ গৈছিল তেতিয়া মহম্মদ ইউনুছৰ অন্তৱৰ্তীকালীন চৰকাৰে খলিলুৰ ৰহমানক এই নিযুক্তি দিছিল, গতিকে এতিয়া বিতৰ্ক আৰু অধিক গভীৰ হোৱাৰ সম্ভাৱনা আছে।
উচ্চতম ন্যায়ালয়ৰ অধিবক্তা তথা অৱসৰপ্ৰাপ্ত মেজৰ সৰৱাৰ হুছেইনৰ মতে ইউনুছ চৰকাৰে হয়তো খলিলুৰ ৰহমান আৰু জেনেৰেল জামানৰ মাজত ক্ষমতাৰ ভাৰসাম্য ৰক্ষা কৰিব বিচাৰিছিল, কিন্তু এই সিদ্ধান্ত শুদ্ধ নহয়। তেওঁ কয় যে বাংলাদেশৰ ৰাষ্ট্ৰীয় নিৰাপত্তা উপদেষ্টাৰ পদটো এজন প্ৰাক্তন সামৰিক বিষয়া বা অভিজ্ঞ কূটনীতিবিদক দিব লাগিছিল। এই ডাঙৰ আৰু দায়িত্বশীল পদটোৰ বাবে খলিলুৰ ৰহমান উপযুক্ত ব্যক্তি বুলি হুছেইনে নাভাবে।
ইয়াৰ পূৰ্বেও বহু বিতৰ্কৰ সৈতে ৰহমান জড়িত হৈ আছে। ২০০১ চনত এগৰাকী মহিলা চৰকাৰী কৰ্মচাৰীৰ হত্যাকাণ্ডৰ গোচৰতো তেওঁৰ নাম আহিছিল।এই সন্দৰ্ভত উচ্চতম ন্যায়ালয়ৰ অধিবক্তা মেজৰ (অৱসৰপ্ৰাপ্ত) সৰৱাৰ হুছেইনে কয় যে, ৰেহমানক ৰাষ্ট্ৰীয় নিৰাপত্তা উপদেষ্টা (এন এছ এ) কৰাৰ পূৰ্বে তেওঁৰ পটভূমিৰ সঠিক তদন্ত হ’ব লাগিছিল। তেওঁ আচৰিত হৈছে যে ইউনুছ চৰকাৰে কোনো উচ্চ পৰ্যায়ৰ কোনো তদন্ত নকৰাকৈ বা কোনো ধৰণৰ পৰামৰ্শ নোলোৱাকৈ সিদ্ধান্ত লোৱা হৈছিল। ইয়াৰ ফলত বহু প্ৰশ্নৰো উত্থাপন হৈছে।
