বাংলাদেশৰ ৰাজনৈতিক অস্থিৰতাৰ মাজতে দেশৰ প্ৰাক্তন প্ৰধানমন্ত্ৰী শ্বেখ হাছিনাই অন্তৱৰ্তীকালীন চৰকাৰৰ মুৰব্বী মহম্মদ ইউনুছৰ বিৰুদ্ধে বৃহৎ অভিযোগ উত্থাপন কৰিছে। হাছিনাই কয় যে, সন্ত্ৰাসবাদীৰ সহায়ত ইউনুছে বাংলাদেশত ক্ষমতা দখল কৰিছে আৰু এই সন্ত্ৰাসবাদী সংগঠনসমূহৰ বহুতেই আন্তঃৰাষ্ট্ৰীয় পৰ্যায়ত নিষিদ্ধ কৰা সংগঠন বুলিও কয়।
প্ৰাক্তন প্ৰধানমন্ত্ৰী শ্বেখ হাছিনাই সামাজিক মাধ্যমত কয় যে, ইউনুছে ক্ষমতা দখল কৰিবলৈ নিষিদ্ধ লোকৰ সহায় লৈছিল, যাৰ পৰা আৱামী লীগ এতিয়ালৈকে বাংলাদেশৰ জনসাধাৰণক সুৰক্ষা দি আহিছিল। আৱামী লীগ চৰকাৰে বহু লোকক গ্ৰেপ্তাৰ কৰা হৈছিল, কিন্তু এতিয়া বাংলাদেশৰ জেল খালী। ইউনুছে এনে সকলো লোকক মুকলি কৰি দিলে আৰু এতিয়া সেই সন্ত্ৰাসবাদীয়ে বাংলাদেশত শাসন কৰে।
শ্বেখ হাছিনাই আৰু কয় যে, অবৈধভাৱে ক্ষমতা দখল কৰা এই উগ্ৰপন্থী নেতাক বাংলাদেশে দীৰ্ঘদিনীয়া সংগ্ৰাম আৰু মুক্তিযুদ্ধৰ অন্তত লাভ কৰা মহান বাঙালী জাতিৰ সংবিধানখন স্পৰ্শ কৰাৰ অধিকাৰ কোনেও দিয়া নাই। মুখ্য উপদেষ্টা হিচাপে ইউনুছৰ পদৰ কোনো ভিত্তি নাই বুলিও কয় প্ৰাক্তন প্ৰধানমন্ত্ৰীগৰাকীয়ে।
