বাংলাদেশত মহম্মদ ইউনুছৰ চৰকাৰ গঠন হোৱাৰ পিছৰে পৰা দেশত বিশৃংখল পৰিৱেশৰ সৃষ্টি হৈছে। কিন্তু বিৰোধী দলসমূহে অন্তৱৰ্তীকালীন চৰকাৰৰ বিৰোধিতা কৰিছে। এনে পৰিস্থিতিত ইউনুছৰ সমস্যা ক্ৰমাগতভাৱে বাঢ়ি গৈ আছে।
বাংলাদেশৰ মূল বিৰোধী দল বাংলাদেশ জাতীয়তাবাদী পাৰ্টিয়ে অন্তৱৰ্তীকালীন চৰকাৰৰ বিৰুদ্ধে ফ্ৰণ্ট মুকলি কৰিছে। মহম্মদ ইউনুছৰ বৈদেশিক নীতিক সমালোচনা কৰিছে দলটোৱে। বিএনপিৰ ভাৰপ্ৰাপ্ত সভাপতি তাৰিক ৰহমানে এক সমাৱেশত মহম্মদ ইউনুছক তীব্ৰ লক্ষ্য কৰি লয়।
ঢাকাৰ নয়াপল্টন এলেকাত আয়োজন কৰা এক বিশাল ৰেলীত তাৰিক ৰহমানে কয় যে দিল্লী নহয়, পিণ্ডী নহয়, বাংলাদেশ প্ৰথম। সমৰ্থকসকলকো একে শ্লোগান আওৰাই দিবলৈ কয়। তাৰিক ৰহমানৰ স্থিতি মহম্মদ ইউনুছৰ দৃষ্টিকোণৰ পৰা একেবাৰে পৃথক।
বাংলাদেশ জাতীয়তাবাদী পাৰ্টিৰ ক্ষমতাত ভাৰত আৰু বাংলাদেশৰ সম্পৰ্ক ভাল নাছিল। আনহাতে, মহম্মদ ইউনুছৰ নেতৃত্বত গঠিত অন্তৱৰ্তীকালীন চৰকাৰখন ক্ষমতালৈ অহাৰ পৰাই বৈদেশিক নীতিৰ ক্ষেত্ৰত বেলেগ স্থিতি। ইউনুছে ৰোহিংগীয়া কৰিডৰৰ অনুমতি দিব বিচাৰে আৰু লগতে চিটাগং বন্দৰ বিদেশী প্ৰতিষ্ঠানক গতাই দিয়াৰ দৰে সিদ্ধান্তও ল’ব বিচাৰে।
তাৰিক ৰহমানে ইউনুছ চৰকাৰক লক্ষ্য কৰি কয় যে, যদি তেওঁলোকে বাংলাদেশৰ ভৱিষ্যতৰ দীৰ্ঘম্যাদী নীতিৰ সিদ্ধান্ত ল’ব বিচাৰে তেন্তে ক্ষমতা এৰি নিৰ্বাচনত প্ৰতিদ্বন্দ্বিতা কৰা উচিত।
তাৰিক ৰহমান বাংলাদেশৰ প্ৰাক্তন ৰাষ্ট্ৰপতি জিয়াউৰ ৰহমান আৰু প্ৰাক্তন প্ৰধানমন্ত্ৰী খালেদা জিয়াৰ পুত্ৰ। ঢাকা বিশ্ববিদ্যালয়ৰ পৰা আন্তঃৰাষ্ট্ৰীয় পৰিক্ৰমা বিষয়ত অধ্যয়ন কৰা ৰহমানে তিনি দশকৰো অধিক সময় ৰাজনীতিত অব্যাহত ৰাখিছে। ২০০৯ চনত তেওঁক বিএনপিৰ জ্যেষ্ঠ উপ-সভাপতি হিচাপে নিযুক্তি দিয়া হয় আৰু ২০১৮ চনত খালেদা জিয়া জেললৈ যোৱাৰ পিছত তেতিয়াৰ পৰাই তেওঁ বিএনপিৰ ভাৰপ্ৰাপ্ত সভাপতি পদত অধিষ্ঠিত হৈ আছে।
