ইংলেণ্ড ক্ৰিকেট দলৰ অপেনিং বেটছমেন বেন ডাকেটৰ অব্যাহত আছে দৰ্শনীয় বেটিং। শুকুৰবাৰ অৰ্থাত ৬ ছেপ্টেম্বৰত তেওঁ নিজৰ দলৰ হৈ আন এক উৎকৃষ্ট ইনিংছ খেলে। ইয়াৰ লগে লগে তেওঁ নিজ দেশৰে জেক ক্ৰ’লি আৰু অষ্ট্ৰেলিয়াৰ অ’পেনাৰ উছমান খোৱাজাক অতিক্ৰম কৰি ২০২৩-২০২৫ চনৰ আইচিচি বিশ্ব টেষ্ট চেম্পিয়নশ্বিপত তৃতীয় সৰ্বাধিক ৰান সংগ্ৰহকাৰী হিচাপে পৰিগণিত হৈছে।
শ্ৰীলংকাৰ সৈতে চলি থকা দ্বিতীয়খন টেষ্ট মেচৰ পূৰ্বে আইচিচি বিশ্ব টেষ্ট চেম্পিয়নশ্বিপত সৰ্বাধিক ৰান সংগ্ৰহৰ ক্ষেত্ৰত ৫ম স্থানত আছিল ডাকেট। কিন্তু কালি ৮৬ ৰানৰ অৰ্ধশতকৰ ইনিংছ খেলি তৃতীয় স্থানত উপনীত হয়।
কেৱল এয়াই নহয় ডাকেটৰ দুৰ্দান্ত প্ৰদৰ্শনে এতিয়া ভাৰতৰ অপেনিং বেটছমেন যশস্বী জয়ছোৱালৰ বাবে সংকট নামি আহিছে। সম্প্ৰতি ভাৰতৰ এইগৰাকী বাঁওহতীয়া বেটছমেন ২০২৩-২০২৫ বৰ্ষৰ আইচিচি বিশ্ব টেষ্ট চেম্পিয়নশ্বিপত সৰ্বাধিক ৰান সংগ্ৰহকাৰীৰ তালিকাত দ্বিতীয় স্থানত আছে।
জয়ছোৱালে ৯খন মেচৰ ১৬টা ইনিংছত ৬৮.৫৩ গড়ে ১০২৮ ৰান সংগ্ৰহ কৰে। আনহাতে ডাকেটে ২৯টা ইনিংছত ১০২১ ৰান সংগ্ৰহ কৰিছে। চলি থকা টেষ্ট মেচখনৰ দ্বিতীয় ইনিংছত যদি তেওঁ আৰু ৮ ৰান সংগ্ৰহ কৰিবলৈ সক্ষম হয় তেন্তে আইচিচি বিশ্ব টেষ্ট চেম্পিয়নশ্বিপত সৰ্বাধিক ৰান সংগ্ৰহৰ ক্ষেত্ৰত জয়ছৱালক অতিক্ৰম কৰিব।
বৰ্তমান টেষ্ট চেম্পিয়নশ্বিপ ২০২৩-২০২৫ত সৰ্বাধিক ৰান সংগ্ৰহৰ অভিলেখ আছে ইংলেণ্ড ক্ৰিকেট দলৰ অভিজ্ঞ বেটছমেন জ’ ৰুটৰ নামত। চলি থকা ছিজনত তেওঁ ১৬ খন মেচ খেলিছে। তেওঁ ২৮টা ইনিংছত ৫৫.৪৪ গড়ে ১৩৮৬ ৰান সংগ্ৰহ কৰিছে।
আইচিচি বিশ্ব টেষ্ট চেম্পিয়নশ্বিপ ২০২৩-২০২৫ত সৰ্বাধিক ৰান সংগ্ৰহ কৰা শীৰ্ষ ৫ জন বেটছমেন
১৩৮৬ – জ’ ৰুট
১০২৮ – যশস্বী জয়ছোৱাল
১০২১ – বেন ডাকেট
৯৮৪ – জেক ক্ৰ’লি
৯৪৩ – উছমান খোৱাজা
