গুজৰাট, পশ্চিম বংগ, পঞ্জাৱ আৰু কেৰালাত খালী হৈ থকা বিধানসভা আসনৰ বাবে হ’বলগীয়া উপ-নিৰ্বাচনৰ দিন ঘোষণা কৰা হৈছে। এই চাৰিখন ৰাজ্যত খালী হৈ থকা পাঁচটা বিধানসভা সমষ্টিৰ উপ-নিৰ্বাচনৰ ভোটগ্ৰহণ অহা ১৯ জুনত অনুষ্ঠিত হ’ব। ২৩ জুনত ঘোষণা কৰা হ’ব ফলাফল।
উল্লেখ্য যে মনোনয়ন দাখিলৰ অন্তিম তাৰিখ ২ জুন আৰু নাম প্ৰত্যাহাৰৰ অন্তিম তাৰিখ ৫ জুন। যিবোৰ আসনত উপ-নিৰ্বাচন অনুষ্ঠিত হ’ব, সেই সকলোবোৰ আসন পদত্যাগ বা মৃত্যুৰ বাবে খালী হৈ পৰিছিল।
উপ-নিৰ্বাচন হ’বলগীয়া বিধানসভা সমষ্টি কেইটা হৈছে গুজৰাটৰ কড়ী আৰু বিছাৱদৰ, পশ্চিম বংগৰ কালিগঞ্জ, পঞ্জাৱৰ পশ্চিম লুধিয়ানা আৰু কেৰালাৰ নীলাম্বৰ।
