কানাডাৰ এক কাহিনী পোহৰলৈ আহিছে, যি কোনো ছবিতকৈ কম নহয়। নিজ প্ৰেমিকাক বিশ্বাস কৰি বিপদত এজন যুৱক। বিশ্বাসঘটকতাই অতিক্ৰম কৰিলে চৰম সীমা।
এই ঘটনা সংঘটিত হৈছে কানাডাৰ ৱিনিপেগত। লৰেন্স কেম্পবেল নামৰ এজন ব্যক্তিয়ে নিজৰ প্ৰেমিকাক বিশ্বাস কৰি প্ৰতাৰণাৰ সন্মুখীন হৈছে। ২০২৪ চনত কেম্পবেলে ৫০ লাখ কানাডিয়ান ডলাৰ অৰ্থাৎ প্ৰায় ৩০ কোটি টকাৰ লটাৰী লাভ কৰিছিল। কিন্তু সেই ধন হাতত পাবলৈ গৈ সমস্যাত পৰে যুৱকজন। কিয়নো তেওঁৰ হাতত নাছিল কোনো বৈধ পৰিচয় পত্ৰ। লটাৰীৰ বিষয়াসকলে তেওঁক নিজৰ ঠাইত পুৰস্কাৰৰ বাবে কোনোবা এজনক মনোনীত কৰিবলৈ পৰামৰ্শ দিছিল।
যাৰ বাবে কেম্পবেলে পলম নকৰাকৈয়ে নিজৰ প্ৰেমিকা ক্রিষ্টেলৰ সেই ধন আদায় কৰিবলৈ গৈছিল। কেম্পবেল আৰু মেকে সেই সময়ত একেলগে বাস কৰিছিল আৰু তেওঁলোকৰ সম্পৰ্ক আছিল ডেৰ বছৰতকৈও অধিক পুৰণি। কেম্পবেলৰ বেংক একাউণ্টো নাছিল, সেয়েহে তেওঁ সমগ্ৰ ধন মেকেৰ একাউণ্টলৈ ট্ৰেন্সফাৰ কৰি দিছিল।
কিন্তু ইয়াৰ পিছতে এই কাহিনীত আহিল টুইষ্ট। কিয়নো কেইদিনমানৰ পিছতেই হঠাতে নোহোৱা হৈ গ’ল প্ৰেমিকা ক্রিষ্টেল। যেতিয়া কেম্পবেলে প্ৰেমিকাক বিচাৰি যায়, তেতিয়া তেওঁ গম পায় যে মেকে আন এজন মানুহৰ লগত থাকে আৰু তেওঁ নিজৰ প্ৰাক্তন প্ৰেমিকক সকলো ঠাইৰ পৰা ব্লক কৰি দিয়ে।
উপায়ন্তৰ হৈ আদালতৰ কাষ চাপিলে প্ৰেমিক লৰেন্স কেম্পবেলে।
