খ্ৰীচমাষ্টৰ দিনা বহু লোকে ঘৰতে পাৰ্টিৰ আয়োজন কৰে। এনে পৰিস্থিতিত ঘৰৰ সাজ-সজ্জাৰ পৰা আৰম্ভ কৰি খাদ্যৰ সকলোৰে দায়িত্ব তেওঁলোকৰ ওপৰত থাকে।
বৰদিনৰ পাৰ্টিত কেক আটাইতকৈ গুৰুত্বপূৰ্ণ খাদ্য সামগ্ৰী। বেছিভাগ মানুহেই বেকাৰীৰ পৰা চকলেট বা বিভিন্ন ধৰণৰ কেক অৰ্ডাৰ কৰে। কিন্তু আপুনি বৰদিনৰ দিনটো ঘৰতেই সুস্বাদু কেক বনাব পাৰিব আৰু সেয়াও অতি সহজ পদ্ধতিৰে। আজি আমি আপোনালোকক জনাম ইটালীয়ান চকলেট কেকৰ ৰেচিপি-
ইটালীয়ান চকলেট কেকক Torta al Cioccolato কেক বুলি জনা যায়। ই খাবলৈ অতি সোৱাদযুক্ত। অতি সহজে ঘৰতে বনাব পাৰিব। এই কেকটো গ্লুটেন মুক্ত। পিহি লোৱা বাদাম, আলমণ্ড আদি সামগ্ৰী এই কেকত ব্যৱহাৰ কৰা হয়।
প্ৰয়োজনীয় সামগ্ৰী-
এই কেক বনাবলৈ প্ৰয়োজনীয় সামগ্ৰীসমূহ হৈছে- এটা বাটাৰ, চকলেট, ক’ক’ পাউদাৰ, এস্প্ৰেছ’ পাউদাৰ, দুটা কণী, চেনি, আলমণ্ডৰ আটা, নিমখ আৰু ডাৰ্ক ৰাম।
এটা মধ্যমীয়া আকাৰৰ কেৰাহীত চকলেট আৰু বাটাৰ দি কম জুইত গলিব দিব লাগিব। চকলেট, ক’ক’ পাউদাৰ আৰু এস্প্ৰেছ’ পাউদাৰ দি দিব।
চকলেটখিনি কেইমিনিটমান গৰম কৰি ল’লে কোমল হ’ব। তাৰপাছত এইখিনি অলপ ঠাণ্ডা হ’বলৈ দিব লাগিব। এটা ডাঙৰ বাটিত কণী আৰু চেনি মিহলাই ভালদৰে মিহলাই ল’ব লাগিব। মিশ্ৰণটো পাতল আৰু ফুলি উঠা হ’ব লাগে, ইয়াৰ বাবে পেষ্টটো ৩-৪ মিনিট ফেটি ল’ব লাগিব।
তাৰপাছত তাত গলি যোৱা চকলেট আৰু বাটাৰৰ মিশ্ৰণটো দি ভালদৰে মিহলাই লৈ ল’ব। ইয়াৰ পিছত তাত আলমণ্ডৰ আটা আৰু অলপ নিমখ দি সম্পূৰ্ণ দ্ৰৱীভূত হোৱালৈকে ফেটি ল’ব। প্ৰথমে অভেনটো ১৭৫ ডিগ্ৰী চেলছিয়াছ (৩৫০ ডিগ্ৰী ফাৰেনহাইট) লৈ গৰম কৰি ল’ব। ইয়াৰ পিছত কেক ষ্টেণ্ডত বাটাৰ পেপাৰেৰে লাইন কৰি লৈ ভালদৰে লগাই চেট কৰিব। এতিয়া এই বেটাৰটো প্ৰস্তুত কৰা কেৰাহীত ঢালি ২৫-৩০ মিনিট বেক কৰি ল’ব। টুথপিক সুমুৱাইও পৰীক্ষা কৰিব ল’ব পাৰে। কেকটো অভেনৰ পৰা উলিয়াই ঠাণ্ডা হ’বলৈ দিব। ফ্ৰীজৰ পৰা কেকটো উলিয়াই ওপৰত চকলেট দি ধুনীয়াকৈ সজাই পৰিবেশন কৰিব।
