ছানৰাইজাৰ্ছ হায়দৰাবাদ দলে জয়েৰে আৰম্ভ কৰিছে IPL ২০২৫। প্ৰতিযোগিতাখনৰ দ্বিতীয়খন মেচত ৰাজস্থান ৰয়েলছ দলক বেয়াকৈ পৰাস্ত কৰে এই দলটোৱে।
এই জয়ৰ আটাইতকৈ ডাঙৰ নায়ক আছিল ঈশান কিষাণ। প্ৰথমে বেটিং কৰাৰ সময়ত তেওঁ মাত্ৰ ৪৭টা বলত ২২৫ ষ্ট্ৰাইক ৰেটত ১০৭ ৰান সংগ্ৰহ কৰে।এই সময়ছোৱাত তেওঁ ৬টা ছয় আৰু ১১টা চাৰিটা ৰান কৰে। তেওঁৰ ধুমুহাময় ইনিংছৰ বাবে হায়দৰাবাদ দলে ২৮৭ ৰানৰ বিশাল লক্ষ্য নিৰ্ধাৰণ কৰে।
ইয়াৰ প্ৰতিক্ৰিয়া স্বৰূপে ৰাজস্থান ৰয়েলছ দলে ২৪২ ৰান সংগ্ৰহ কৰিব পাৰে। এইদৰে এই মেচখনত এছ আৰ এইচে ৪৪ ৰানৰ ব্যৱধানত জয়লাভ কৰে। সঞ্জু চেমছন আৰু ধ্ৰুৱ জুৰেলে বিস্ফোৰক ইনিংছ খেলি মেচখন নিজৰ পক্ষত ল’বলৈ চেষ্টা কৰিছিল যদিও এই কামত তেওঁলোকে সফল হ’ব নোৱাৰিলে।
এই মেচত ৰাজস্থান ৰয়েলছৰ অধিনায়কত্ব কৰা ৰিয়ান পৰাগে টছত জয়লাভ কৰি ছানৰাইজাৰ্ছ হায়দৰাবাদক প্ৰথমে বেটিং কৰিবলৈ কয়। অভিষেক শৰ্মা আৰু ট্ৰেভিছ হেডে এছ আৰ এইচক বিস্ফোৰক আৰম্ভণি কৰে। একেলগে প্ৰথম ৩ অভাৰত ৪৫ ৰান সংগ্ৰহ কৰে।
ইয়াৰ পিছত কিষানে হেডৰ সৈতে ৪ আৰু ৬ মাৰিবলৈ আৰম্ভ কৰে আৰু এই অংশীদাৰিত্বই মাত্ৰ ৩৫টা বলত ৮৫ ৰান সংযোজন কৰে। দশম অভাৰত তুষাৰ দেশপাণ্ডেয়ে ২১৬ ষ্ট্ৰাইক ৰেটত ৩১টা বলত ৬৭ ৰান সংগ্ৰহ কৰি হেডক আউট কৰে।
কিন্তু কিষানে নিজৰ বিস্ফোৰক বেটিং অব্যাহত ৰাখি ৪৫ বলত শতক অৰ্জন কৰে। শেষলৈকে অপৰাজিত হৈ ৪৭টা বলত ১০৬ ৰান সংগ্ৰহ কৰি জয়ৰ সৰ্ববৃহৎ নায়ক হিচাপে প্ৰমাণিত হয়। এইদৰে হায়দৰাবাদে প্ৰথম ইনিংছত ২৮৬ ৰান সংগ্ৰহ কৰে। এই বিশাল স্ক’ৰৰ হেঁচাত RR ছিন্নভিন্ন হৈ পৰে আৰু SRH য়ে মেচখন সহজেই জয়লাভ কৰে।
