নলবাৰী জিলাৰ ঘগ্রাপাৰৰ বৰচেনীকুছিত এটা মৃতদেহ উদ্ধাৰ হোৱাক লৈ অঞ্চলজুৰি চাঞ্চল্যকৰ পৰিৱেশৰ সৃষ্টি হৈছে। জানিব পৰা অনুসৰি, ঘগ্ৰাপাৰৰ এটি পুখুৰীত মৃতদেহটো ৰাইজে প্রত্যক্ষ কৰি আৰক্ষীক খবৰ দিয়ে।
পুখুৰীত উদ্ধাৰ হোৱা মৃতদেহটো নলবাৰী চহৰৰ সন্ধাৰ কেশৱ কলিতা (৪৮) বুলি চিনাক্ত কৰা হৈছে।
ইফালে ঘটনাৰ খবৰ লাভ কৰাৰ পিছতে ঘটনাস্থলত স্থানীয় আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰি ঘটনা সন্দৰ্ভত তদন্ত আৰম্ভ কৰে।
এই সমগ্ৰ ঘটনা আৰক্ষীৰ তদন্তৰ পিছতহে পোহৰলৈ আহিব।
