নতুন দিল্লী তথা ইয়াৰ অশে-পাশে থকা চহৰসমূহ প্ৰচণ্ড গৰমৰ বাবে যথেষ্ট অশান্তিত ভুগিছে। দিল্লীৰ তাপমাত্ৰাৰ বাবে সাধাৰণ নাগৰিকৰ অশান্তি বৃদ্ধি পাইছে। বতৰ বিজ্ঞান বিভাগে
বতৰ বিজ্ঞান বিভাগে ভৱিষ্যদ্বাণী কৰিছে যে অহা কেইদিনমানৰ ভিতৰত দিল্লীৰ তাপমাত্ৰা ৪২ ডিগ্ৰীৰ ওপৰত থাকিব। এই কথা মনত ৰাখিয়েই বতৰ বিজ্ঞানীসকলে অপ্ৰয়োজনত ঘৰৰ পৰা ওলাই নাযাবলৈ আহ্বান জনায়।
বতৰ বিজ্ঞান বিভাগৰ তথ্য অনুসৰি, শনিবাৰে (৫ এপ্ৰিল)ত দিল্লীত প্ৰবল গ্ৰীষ্মবতাহ বলিব। ইয়াৰ লগতে বিভিন্ন স্থানত তাপ তৰংগৰ অৱস্থাৰ ভৱিষ্যদ্বাণীও কৰা হয়।
৫ এপ্ৰিলত দিনটোত সৰ্বোচ্চ উষ্ণতা প্ৰায় ৩৯ ডিগ্ৰী চেলছিয়াছ আৰু সৰ্বনিম্ন তাপমাত্ৰা প্ৰায় ১৯ ডিগ্ৰী চেলছিয়াছ। আগন্তুক পাঁচ দিনত দিল্লীৰ তাপমাত্ৰা ৪০ৰ পৰা ৪২ ডিগ্ৰী চেলছিয়াছ পৰ্যন্ত হোৱাৰ সম্ভাৱনা আছে।
৪ এপ্ৰিলত দিল্লীৰ সৰ্বোচ্চ উষ্ণতা আছিল ৩৮.৪ ডিগ্ৰী চেলছিয়াছ, আনহাতে সৰ্বনিম্ন ১৮.৮ ডিগ্ৰী চেলছিয়াছ বুলি বতৰ বিভাগে প্ৰকাশ কৰিছে।
দিল্লী মহানগৰীৰ আন আন মনিটৰিং ষ্টেচনতো শুকুৰবাৰে উচ্চ তাপমাত্ৰা ৰেকৰ্ড কৰা হৈছে, ৰিজত সৰ্বোচ্চ তাপমাত্ৰা ৩৯.৪ ডিগ্ৰী চেলছিয়াছ, অয়ানগৰত ৩৮.১ ডিগ্ৰী চেলছিয়াছ, লোধি ৰোডত ৩৮ ডিগ্ৰী চেলছিয়াছ আৰু পালামত ৩৭ ডিগ্ৰী চেলছিয়াছত সৰ্বোচ্চ উষ্ণতা ৰেকৰ্ড কৰা হৈছে।
কেন্দ্ৰীয় প্ৰদূষণ নিয়ন্ত্ৰণ ব’ৰ্ডৰ তথ্য অনুসৰি, ৪ এপ্ৰিলত দেশৰ ৰাজধানী চহৰখনৰ বায়ুৰ গুণাগুণ সূচকাংক (একিউআই)২১৯ হয়। দিল্লীৰ বাবে বায়ুৰ গুণাগুণ আগতীয়া সতৰ্কবাণী ব্যৱস্থাই আগন্তুক দুদিনত ‘মধ্যমীয়া’ শ্ৰেণীত উপনীত হোৱাৰ সম্ভাৱনা আছে। এক তথ্য অনুসৰি, ০ৰ পৰা ৫০ৰ ভিতৰত একিউআইক ‘ভাল’, ৫১ৰ পৰা ১০০ ‘সন্তোষজনক’, ১০১ৰ পৰা ২০০ ‘মধ্যমীয়া’, ২০১ৰ পৰা ৩০০ ‘দূৰ্বল’, ৩০১ৰ পৰা ৪০০ ‘অতি দূৰ্বল’ আৰু ৪০১ৰ পৰা ৫০০ক ‘গুৰুতৰ’ বুলি গণ্য কৰা হয়।
