দিল্লী বিধানসভা নিৰ্বাচনৰ বাবে আম আদমি পাৰ্টীয়ে চতুৰ্থ তথা অন্তিমখন প্ৰাৰ্থীৰ তালিকা ঘোষণা কৰিছে। দেওবাৰে প্ৰকাশ কৰা এই তালিকাত আছে অৰবিন্দ কেজৰিৱালৰ সৈতে ৩৭ গৰাকীৰ প্ৰাৰ্থীৰ নাম।
দিল্লীৰ প্ৰাক্তন মুখ্যমন্ত্ৰী তথা আপ প্ৰধান কেজৰিৱালে নতুন দিল্লী সমষ্টিৰ পৰা প্ৰতিদ্বন্দ্বিতা আগবঢ়াব। ইফালে দিল্লীৰ মুখ্যমন্ত্ৰী আতিশীয়ে কাল্কাজি আৰু মন্ত্ৰী সৌৰভ ভৰদ্বাজে গ্ৰেটাৰ কৈলাশ সমষ্টিৰ পৰা প্ৰতিদ্বন্দ্বিতা আগবঢ়াব।
আজি ঘোষণা কৰা চতুৰ্থখন প্ৰাৰ্থীৰ তালিকাৰ জৰিয়তে আম আদমি পাৰ্টীয়ে দিল্লীৰ আটাইকেইটা সমষ্টি অৰ্থাত ৭০টা সমষ্টিৰ বাবেই নিজৰ প্ৰাৰ্থীৰ তালিকা ঘোষণা কৰাৰ পৰ্ব সমাপ্তি ঘটে।
অৰবিন্দ কেজৰিৱালে ছ’চিয়েল মিডিয়া এক্সৰ জৰিয়তে তালিকাখন প্ৰকাশ কৰি এটা প’ষ্টো শ্বেয়াৰ কৰে। প’ষ্টটোত তেওঁ লিখিছে, ‘আজি আম আদমি পাৰ্টীয়ে আটাইকেইটা অৰ্থাত ৭০টা সমষ্টিৰ বাবে নিজৰ প্ৰাৰ্থীৰ তালিকা ঘোষণা কৰে। দলে সম্পূৰ্ণ আত্মবিশ্বাস আৰু প্ৰস্তুতিৰে নিৰ্বাচনত যুঁজ দিব’।
এই একেটা প’ষ্টতে কেজৰিৱালে বিজেপিক উদ্দেশ্যিও ভর্ৎসনা কৰা দেখা যায়।
