আজি ধনতেৰাচ অৰ্থাৎ ২৯ অক্টোৱৰত। ধনতেৰাচত সোণ-ৰূপ ক্ৰয় কৰাটো শুভ বুলি গণ্য কৰা হয়। কিন্তু যদিহে আপোনাৰ হাতত সময় নাই বা এই হুলস্থুলত গহনা দোকানলৈ যাব নিবিচাৰে, তেন্তে ঘৰতে বহি মাত্ৰ ৩০ ছেকেণ্ডতে বিশুদ্ধ সোণ কিনিব পাৰিব।
অনলাইনত সোণ ক্ৰয় কৰাটো সহজ আৰু আপুনি এই সোণ যেতিয়াই বিচাৰে, তেতিয়াই অনলাইনত বিক্ৰী কৰিব পাৰে।
আচলতে যদিহে আপুনি সোণত অতিমাত্ৰা বিনিয়োগ কৰিব নিবিচাৰে, আৰু ধনতেৰাচৰ শুভমুহূৰ্তত মাত্ৰ ১০০১ টকাতেই সোণ কিনিব বিচাৰে, তেন্তে ঘৰতেই বহি অনলাইনত কিনিব সোণ কৰিব পাৰিব।
প্ৰথম উপায়:
যদি আপুনি পেটিএম ব্যৱহাৰ কৰে, তেন্তে ইয়াৰ জৰিয়তে ১০০১ টকাৰ সোণ কিনিব পাৰিব। পেটিএম খোলাৰ লগে লগে আপুনি Buy Gold ৰ অপশ্বন পাব। য’ৰ পৰা যিমান বিচাৰে, সিমান সোণ কিনিব পাৰি। পেমেণ্টৰ সময়ত আপুনি সোণৰ মূল্য যোগ কৰি ৩ শতাংশ দিব লাগিব।
উদাহৰণস্বৰূপে আজি পেটিএমৰ পৰা ১০০১ টকাৰ সোণ কিনিলে বিনিময়ত ০.১২৩৯ গ্ৰাম সোণ পাব। চূড়ান্ত পৰিশোধৰ সময়ত গ্ৰাহকে ৩ শতাংশ জি এছ টি দিব লাগিব। এইদৰে আপুনি মুঠ ১০৩১.০৪ টকা দিব লাগিব।
পেটিএমৰ জৰিয়তে সোণৰ বাবে ধন দিয়াৰ লগে লগে। বিনিময়ত আপোনাকো একে পৰিমাণৰ সোণ দিয়া হ’ব। বিনিময়ত আপুনি ক্ৰয়ৰ ৰচিদ পাব। প্ৰয়োজন হ’লে অনলাইনতো বিক্ৰী কৰিব পাৰে। সুবিধাৰ কথা ক’বলৈ গ’লে, সোণৰ দাম বৃদ্ধি হোৱাৰ লগে লগে আপোনাৰ বিনিয়োগো বৃদ্ধি পাব। ডিজিটেল মাধ্যমৰ জৰিয়তে ক্ৰয় কৰা সোণ ২৪ কেৰেট বিশুদ্ধ।
দ্বিতীয় উপায়:
কেৱল এয়াই নহয়, এমএমটিচি-পিএএমপিৰ অফিচিয়েল ৱেবছাইটৰ পৰা ঘৰতে বহি সোণ কিনিব পাৰিব। এমএমটিচি-পিএএমপি হৈছে দেশৰ একমাত্ৰ এলবিএমএ স্বীকৃতিপ্ৰাপ্ত সোণ শোধনাগাৰ কোম্পানী।
ইয়াৰ জৰিয়তে গ্ৰাহকে সোণ ক্ৰয়, বিক্ৰী বা ৰিডিম কৰিব পাৰে। ইয়াত গ্ৰাহকে বজাৰৰ সৰ্বনিম্ন মূল্যত ৯৯৯.৯ বিশুদ্ধতা প্ৰমাণিত সোণ কিনিব পাৰিব। অৱশ্যে ইয়াৰ বাবে আপুনি কমেও ১ গ্ৰাম সোণ কিনিব লাগিব। পেটিএমৰ উপৰিও বহুতো মোবাইল ৱালেট প্লেটফৰ্ম আছে, যিয়ে গ্ৰাহকক এই সুবিধা প্ৰদান কৰি আছে।
অন্যান্য বিকল্পও উপলব্ধ
উল্লেখযোগ্য যে, ডিজিটেলভাৱে সোণ কিনাটোৱেই আটাইতকৈ সহজ উপায়। বহু বেংক, মোবাইল ৱালেট আৰু ব্ৰোকাৰেজ কোম্পানীয়ে এমএমটিচি-পিএএমপি বা ছেফগ’ল্ডৰ সৈতে বান্ধ খাই নিজৰ এপৰ জৰিয়তে সোণ বিক্ৰী কৰে। ইয়াৰ উপৰিও পণ্য বিনিময়ৰ অধীনত শ্বেয়াৰ বজাৰতো সোণ ক্ৰয়-বিক্ৰয় কৰিব পাৰিব।
লগতে ফ্লিপকাৰ্ট আৰু আমাজনত সোণৰ মুদ্ৰাকে ধৰি গহনা কিনিব পাৰিব। লগতে তনিষ্ক, কল্যাণ জুৱেলাৰ্ছ, চেংকো গোল্ড আৰু পিচি জুৱেলাৰছৰ ৱেবছাইটৰ পৰা গহনা আৰু সোণ আৰু ৰূপৰ মুদ্ৰা ক্ৰয় কৰিব পাৰিব।
ইয়াৰ উপৰিও মিছড কলৰ জৰিয়তে সোণ-ৰূপৰ দাম চাব পাৰিব। ২২ কেৰেট আৰু ১৮ কেৰেট সোণৰ দাম জানিবলৈ আপুনি ৮৯৫৫৬৬৪৪৩৩ নম্বৰত মিছড কল কৰিব পাৰে। কিছু সময়ৰ ভিতৰতে আপুনি এছএমএছৰ জৰিয়তে মূল্যৰ তথ্য লাভ কৰিব। একে সময়তে আপুনি অফিচিয়েল ৱেবছাইট ibjarates.com ত গৈ পুৱা আৰু গধূলি সোণৰ মূল্যৰ আপডেট জানিব পাৰিব।
