ধনতেৰাচৰ শুভ মূহুৰ্ত উপলক্ষে বলীউডৰ ছুপাৰষ্টাৰ ছলমান খানৰ পিতৃ চেলিম খানে ক্ৰয় কৰিছে এখন জিলিকি থকা বিলাসী গাড়ী। এই গাড়ীখনৰ ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত গাড়ীখনে ‘গেলেক্সি এপাৰ্টমেণ্ট’ৰ বাহিৰত ঘূৰি ফুৰা দেখা গৈছে।
জনা যায় যে আজিকালি ছলমানে কেৱল বুলেট প্ৰুফ গাড়ীতহে যাত্ৰা কৰে, কাৰণ দীৰ্ঘদিন ধৰি তেওঁ গেংষ্টাৰ লৰেন্স বিষ্ণোই গেঙৰ পৰা মৃত্যুৰ ভাবুকি পাই আহিছে।
তথ্য অনুসৰি, ২০২৪ চনৰ ২৯ অক্টোবৰত ধনতেৰাচত এখন নতুন গাড়ী ক্ৰয় কৰিছে চেলিম খানে। এই গাড়ীখন হৈছে বগা ৰঙৰ মাৰ্চিডিজ বেঞ্জ জিএলএছ। ইয়াৰ মূল্য ১.৫৭ কোটি টকা বুলি কোৱা হৈছে।
শেহতীয়াকৈ ছলমানক হত্যাৰ ভাবুকি দিছিল নয়দাৰ এজন ২০ বছৰীয়া যুৱকে। বাবা ছিদ্দিকিৰ পুত্ৰ জীছান ছিদ্দিকীয়েও একেধৰণৰ ভাবুকি লাভ কৰিছিল।
মুম্বাই আৰক্ষীৰ মতে, শুকুৰবাৰে সন্ধিয়া ছলমানলৈ আহিছিল ভাবুকিমূলক ফোন। ফোনকলত সেই ব্যক্তিজনে জীছান ছিদ্দিকী আৰু ছলমান খানক হত্যাৰ ভাবুকি দি ধন বিচাৰিছিল।
ভাবুকি দিয়া যুৱকজনক নয়দাৰ পৰা গ্ৰেপ্তাৰ কৰা হৈছে। আটকাধীন অভিযুক্তজনৰ পৰা আৰক্ষীয়ে এই ঘটনাত ব্যৱহৃত মোবাইল ফোনটো অভিযুক্তৰ পৰা উদ্ধাৰ কৰা বুলি জানিবলৈ দিয়ে।
আৰক্ষীয়ে কয় যে, ধৃত অভিযুক্তজন মূলতঃ বৰেলী জিলাৰ আৰু কাঠমিস্ত্ৰীৰ কাম কৰে। জেৰাৰ সময়ত আৰক্ষীয়ে জানিব পাৰি যে, অভিযুক্তজনে ইণ্টাৰনেটৰ জৰিয়তে এই নম্বৰ লাভ কৰিছে আৰু ফোন কৰি তেওঁলোকক ভাবুকি দিছে।
কোৱা হৈছে যে, অভিযুক্তই যিটো নম্বৰত ফোন কৰি ভাবুকি দিছিল সেয়া মুম্বাই আৰক্ষীয়ে জাৰি কৰা ‘হেল্পলাইন’ নম্বৰ। তেওঁ কয় যে, আৰক্ষীয়ে অভিযুক্তক পুংখানুপুংখভাৱে জেৰা কৰি আছে।
