পুনৰ ৰাজ্যত অনা অসমীয়াৰ দপদপনি। অনা অসমীয়াৰ অত্যাচাৰত অতিষ্ঠ হৈ পৰিছে হোটেলৰ কৰ্মচাৰী।
ডিব্ৰুগড়ৰ মাৰোৱাৰীপট্টিস্থিত হোটেল দেৱীকাত ২৮ জুলাইত নিশা উত্তপ্ত পৰিস্থিতি হয়। অনা অসমীয়া হোটেল স্বত্বাধিকাৰী পুণিত খেমানীৰ অত্যাচাৰত অতিষ্ঠ হৈ পৰে হোটেলৰ কৰ্মচাৰী।
হোটেলখনৰ কৰ্মচাৰীৰ অভিযোগ ভিত্তিত বিগত নিশা ডিব্ৰুগড় ছাত্র সন্থাই হোটেলখনত উপস্থিত হৈ হোটেল পৰিস্থিতিৰ বুজ লয়। হোটেলখনৰ কৰ্মচাৰীৰ অভিযোগ অনুসৰি স্বত্বাধিকাৰী পুণিত খেমানীয়ে হোটেলখনৰ কৰ্মচাৰীৰ ওপৰত বিভিন্ন ধৰণৰ শোষণ আৰু মানসিক অত্যাচাৰ চলাই আহিছিল।
কৰ্মচাৰীক কেৱল দুৰ্ব্যৱহাৰেই নহয় শৰীৰৰ বাবে অনুপযোগী খাদ্যও গ্ৰাহকক বিলাবলৈ দিয়াৰ অভিযোগ উত্থাপিত কৰিছে হোটেলখনৰ কৰ্মচাৰীয়ে।
এই সমগ্ৰ ঘটনা দৃষ্টিগোচৰ হোৱাত ডিব্ৰুগড় ছাত্র সন্থাই হোটেলখনত উপস্থিত হৈ স্বত্বাধিকাৰী পুণিত খেমানীক এনেঘৰণৰ কাৰ্য নকৰিবলৈ সকিয়নী দিয়ে। আনহাতে হোটেলখনৰ সকলো কৰ্মচাৰীয়ে স্বত্বাধিকাৰীৰ সকলো কাৰ্যত অতিষ্ঠ হৈ হোটেলখনৰ পৰা সামূহিক কৰ্ম অব্যাহতি লৈ ঘৰলৈ গুচি যায়।
হোটেলখনৰ স্বত্বাধিকাৰী পুণিত খেমানীয়ে হোটেলৰ মহিলা কৰ্মচাৰীকো মানসিকভাৱে অত্যাচাৰ কৰে বুলি অভিযোগ উত্থাপিত হয়।হোটেলখনত সংঘটিত এই উত্তপ্ত পৰিস্থিতিক লৈ ডিব্ৰুগড় সদৰ আৰক্ষী উপস্থিত হৈ পৰিস্থিতি নিয়ন্ত্ৰণলৈ আনে।
