আল্লু অৰ্জুনৰ ছবি পুষ্পা ২ৰ জ্বৰ অনুৰাগীৰ মাজত তীব্ৰতৰ হৈ পৰিছে। ছবিখনে অহৰহ নতুন অভিলেখ গঢ়িবলৈ সক্ষম হৈছে। ছবিখনে সকলো ভাষাতে আচৰিত কাম কৰি হিন্দী ভাষাত বহু অভিলেখ ভংগ কৰি এতিয়া ইতিহাসৰ সৃষ্টি কৰিছে। শ্বাহৰুখ-ছলমান আৰু আমিৰ খানৰ ছবিয়ে এতিয়ালৈকে কৰিব নোৱাৰা কামটো আল্লু অৰ্জুনৰ ছবিখনে কৰিছে।
এক প্ৰতিবেদন অনুসৰি, আল্লু অৰ্জুন অভিনীত পুষ্পা ২ য়ে বৰ্তমান ৭০০ কোটি টকাৰ ক্লাবত প্ৰৱেশ কৰিছে। ৭০০ কোটি টকাৰ ক্লাবত প্ৰৱেশ কৰা এইখনেই হৈছে বলীউডৰ প্ৰথমখন ছবি। ষ্ট্ৰী ২ৰ প্ৰায় ৬২৭.৫০ কোটিৰ অভিলেখ ভংগ কৰি সৰ্বাধিক উপাৰ্জন কৰা হিন্দী ছবি হিচাপে পৰিগণিত হোৱা পুষ্পা ২ য়ে মুক্তিৰ তৃতীয় সপ্তাহৰ শেষৰ ফালে সৰ্বাধিক সংগ্ৰহৰ স্থান লাভ কৰে ছবিখনে। এতিয়া ছবিখনে ৭০০ কোটি টকাৰ ব্যৱসায় কৰি এক নতুন অভিলেখ গঢ়ি তুলিছে।ছবিখনৰ ১৯ দিনৰ সংকলনৰ আনুষ্ঠানিক পৰিসংখ্যা এতিয়াও প্ৰকাশ হোৱা নাই।
এই ছবিখনে প্ৰথম সপ্তাহত হিন্দী ভাষাত সংগ্ৰহ কৰিছিল ৪৩৩.৫০ কোটি টকা। দ্বিতীয় সপ্তাহত ১৯৯ কোটি টকাৰ ব্যৱসায় কৰিছিল আৰু তৃতীয় সপ্তাহত ৬০ কোটি টকা উপাৰ্জন কৰিছিল।
এই হিট ছৱি পুষ্পা ২ ৰ পৰিচালনা কৰিছে সুকুমাৰে। আল্লু অৰ্জুনৰ উপৰিও ছবিখনত মুখ্য চৰিত্ৰত অভিনয় কৰিছে ৰশ্মিকা মণ্ডন্না আৰু ফাহাধ ফাচিলে।
