মহাৰাষ্ট্ৰৰ থানে জিলাৰ ভীৱণ্ডীৰ পৰা আহিছে এক চাঞ্চল্যকৰ খবৰ। ইয়াত একেটা পৰিয়ালৰ চাৰিজন লোকে আত্মহত্যা কৰিছে। এই ঘটনাই শোকস্তব্ধ কৰি তুলিছে সাধাৰণ জনতাক।
ঘটনা সন্দৰ্ভত তথ্য লাভ কৰাৰ পিছতে আৰক্ষীয়ে সেই স্থানত উপস্থিত হৈ মৃতদেহকেইটা উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে। এই ঘটনা সংঘটিত হৈছে ভীৱণ্ডী চহৰৰ কামতঘৰৰ ফেনে পাড়া অঞ্চলত।
আৰক্ষীৰ তথ্য অনুসৰি নিহতসকলৰ ভিতৰত এগৰাকী মহিলা আৰু তেওঁৰ তিনিগৰাকী কন্যাও আছে। সকলোৰে মৃতদেহ ওলমি থকা অৱস্থাত উদ্ধাৰ হয়। সম্প্ৰতি আৰক্ষীয়ে সমগ্ৰ বিষয়টোৰ তদন্ত অব্যাহত ৰাখিছে।
জানিব পৰা অনুসৰি, মৃত মহিলাগৰাকীৰ স্বামীয়ে নৈশ কৰ্তব্যৰ পৰা পুৱা ঘৰলৈ অহাৰ পিছতে এই চাঞ্চল্যকৰ ঘটনা পোহৰলৈ আহে। তেওঁৰ পত্নীৰ লগতে তিনিওগৰাকী কন্যাই চিপ লগাই চৰম পন্থা বাছি লয়।
