আজি পৱিত্ৰ গণেশ চতুৰ্থী উৎসৱ। সমগ্ৰ দেশতে কৰা হ’ব ভগৱান গণেশৰ আৰাধনা। হিন্দু ধৰ্মত গণেশ চতুৰ্থী উৎসৱৰ বিশেষ গুৰুত্ব আছে। গণেশ পুৰাণৰ মতে, ভাদ মাহৰ শুক্ল পক্ষৰ চতুৰ্থী তিথি, চিত্ৰ নক্ষত্ৰত ভগৱান গণপতিৰ জন্ম হৈছিল।
গণেশ চতুৰ্থী হিন্দু ধৰ্মৰ এক পৱিত্ৰ উৎসৱ, যি বিঘ্নহৰ্তা ভগৱান গণেশৰ নামত উৎসৰ্গিত। ভগৱান গণেশক সিদ্ধিকৰ্তা বুলিও গণ্য কৰা হয়। এই দিনটোত তেওঁক উপাসনা কৰিলে সকলো বাধা আঁতৰ হয় আৰু জীৱনত সফলতা লাভ কৰিব পাৰি।
গণেশ চতুৰ্থীৰ দিনা কোনো নতুন কাম আৰম্ভ কৰিলে, প্ৰতিটো কামতে সফলতা লাভ কৰিব পাৰি। ভগৱান গণেশক বুদ্ধি আৰু জ্ঞানৰ দেৱতা বুলি গণ্য কৰা হয়। এই দিনটোত তেওঁক উপাসনা কৰিলে বুদ্ধি বৃদ্ধি হয়। গণেশ চতুৰ্থীৰ দিনা ভগৱান গণেশক সুখ আৰু সমৃদ্ধিৰ বাবে প্ৰাৰ্থনা কৰা হয়। গণেশ চতুৰ্থীৰ আঁৰত বহুতো পৌৰাণিক কাহিনী জড়িত আছে যিয়ে এই উৎসৱটোক আৰু অধিক গুৰুত্বপূৰ্ণ কৰি তোলে।
ভগৱান গণেশ হৈছে, সনাতন ধৰ্মৰ প্ৰধান উপাস্য দেৱতা। ভগৱান গণেশৰ বহুতো নাম আছে যেনে- গণপিত, লম্বোদাৰ, বিনায়ক, গজানন, সুখকৰ্তা আৰু বিঘ্নহৰ্তা ইত্যাদি।
শাস্ত্ৰত কোৱা হৈছে যে, ভগৱান গণেশক পূজা আৰু প্ৰতিষ্ঠা কৰাৰ বাবে মধ্যাহ্ন সময় হৈছে সৰ্বশ্ৰেষ্ঠ। এই গণেশ উৎসৱ সমগ্ৰ দেশতে ১০ দিন ধৰি চলিব আৰু গণেশৰ এই পৱিত্ৰ মূৰ্তি অনন্ত চতুৰ্দশীত পানীত বিসৰ্জন কৰা হ’ব আৰু অশ্ৰুসিক্ত নয়নেৰে গণেশক বিদায় জনোৱা হ’ব।
আজি, গণেশ চতুৰ্থীত উপাসনা আৰু মূৰ্তি স্থাপনৰ শুভ সময় পুৱা ১১:২০ বজাৰ পৰা আৰম্ভ হ’ব। শাস্ত্ৰত, দুপৰীয়া ভাগত ভগৱান গণেশৰ উপাসনা আৰু মূৰ্তি স্থাপনৰ বাবে আটাইতকৈ শুভ সময় বুলি গণ্য কৰা হয়।
হিন্দু বৰ্ষপঞ্জী অনুসৰি, ভাদ মাহৰ শুক্লা পক্ষৰ চতুৰ্থী তিথি, অৰ্থাৎ ৬ ছেপ্টেম্বৰৰ সন্ধিয়া ০৩.৩১ বজাত আৰম্ভ হৈছে আৰু ৭ ছেপ্টেম্বৰৰ সন্ধিয়া ০৫.৩৭ বজাত সমাপ্ত হ’ব। সূৰ্যোদয় অনুসৰি, এই উৎসৱ ৭ ছেপ্টেম্বৰত উদযাপন কৰা হ’ব।
এই বছৰ গণেশ চতুৰ্থীত এটা বিৰল ব্ৰহ্ম যোগ সৃষ্টি হৈছে। এই যোগ নিশা ১১.১৭ বজাত শেষ হ’ব। ইয়াৰ পিছত, ইন্দ্ৰ যোগৰ সংযোগ হ’ব। জ্যোতিষশাস্ত্ৰই ব্ৰহ্মা আৰু ইন্দ্ৰ যোগক শুভ বুলি গণ্য কৰে।
ৰাতিপুৱা- ৰাতিপুৱা ৮ বজাৰ পৰা ৰাতিপুৱা ৯:৩০ বজালৈ
মধ্যাহ্ন – ১১:২০ ৰ পৰা ১:৪০ লৈ
দুপৰীয়া- আবেলি ২ বজাৰ পৰা সন্ধিয়া ৫:৩৭ বজালৈ
