গাজাৰ ওপৰত নিৰ্মিত “নো অদাৰ লেণ্ড”-এ শ্ৰেষ্ঠ তথ্যচিত্ৰৰ অস্কাৰ লাভ কৰে। ‘নো অদাৰ লেণ্ড’ এখন সাহসী আৰু বিধ্বংসী ছবি, যি ২০২৪ চনৰ শ্ৰেষ্ঠ তথ্যচিত্ৰও। কেইবাখনো মহাদেশৰ সমালোচক, জুৰী আৰু দৰ্শকৰ পৰা কেইবা ডজনো বঁটা লাভ কৰিছে। ইজৰাইলী সেনাৰ সকলো নিষ্ঠুৰতা এই ছবিখনত দেখুওৱা হয়।
এই ছবিখনত দেখুওৱা হৈছে ইজৰাইলৰ সেনাৰ নৃশংষতা দেখুওৱা হৈছে। ইহুদীসকলে পেলেষ্টাইনীসকলক আক্ৰমণৰ দৃশ্যও দেখুওৱা হৈছে।
যদিও ২০২৩ চনত ইজৰাইলত প্ৰায় ১২০০ লোকৰ প্ৰাণহানি হোৱা হামাছৰ আক্ৰমণৰ পৰিঘটনাৰ পূৰ্বেই এই তথ্যচিত্ৰখনৰ অন্ত পৰে। তথাপিও ইয়াৰ মুক্তি এনে সময়ত হয়, যেতিয়া মধ্যপ্ৰাচ্যৰ যুদ্ধ তীব্ৰতৰ হৈ পৰে, কিয়নো ২০২৩ চনৰ ৮ অক্টোবৰৰ পৰা গাজাত ইজৰাইলৰ আক্ৰমণত কমেও ৪৮ হাজাৰ লোকৰ প্ৰাণহানি হয়।
বহু প্ৰশংসিত এই তথ্যচিত্ৰখনে শেহতীয়াকৈ শ্ৰেষ্ঠ তথ্যচিত্ৰ বৈশিষ্ট্যপূৰ্ণ ছবিৰ একাডেমী বঁটা লাভ কৰিছে। তথাপিও তথ্যচিত্ৰখনৰ আঁৰৰ দুজন ছবি নিৰ্মাতাৰ ভিতৰত অন্যতম ইজৰাইলী সাংবাদিক ইউভাল আব্ৰাহামে সংবাদ মাধ্যমক জনাইছে যে, সমালোচকৰ ব্যাপক প্ৰশংসাৰ পিছতো আমেৰিকাৰ বিতৰকসকলে “নো অদাৰ লেণ্ড” ল’বলৈ দ্বিধাবোধ কৰিছে।
