অসমলৈ আহিছে এক সুখবৰ। ৰঙালী বিহুৰ পূৰ্বে অসমবাসীলৈ আহিছে এই ভাল খবৰ। এইবাৰ অসমীয়া গহনাই লাভ কৰিলে GI টেগ। অসমীয়া গহনা উদ্যোগৰ লগতে সমূহ অসমবাসীলৈ এয়া এক গৌৰৱৰ বিষয়।
অসমীয়া ঐতিহ্য-সংস্কৃতিৰ সৈতে জড়িত অসমীয়া গহনাক প্ৰদান কৰা হৈছে ভৌগোলিক সূচকাংক অর্থাৎ জি আই টেগ (GI Tag)। অসমৰ মুখ্যমন্ত্ৰী ড০ হিমন্ত বিশ্ব শৰ্মাই সামাজিক মাধ্যমযোগে দিয়ে এই সুখৰ বাৰ্তা। অসমীয়া গহনা উদ্যোগৰ সৈতে জড়িত সকলোলৈ তথা অসমবাসীলৈ এই গৌৰৱময় মুহূর্তত আন্তৰিক অভিনন্দন জ্ঞাপন কৰিছে মুখ্যমন্ত্ৰী ডঃ হিমন্ত বিশ্ব শৰ্মাই।
২০১৮-১৯ চনৰ বাজেট উত্থাপনৰ সময়ত অসমৰ শিল্পীসকলৰ সুৰক্ষা আৰু স্বীকৃতৰ প্ৰতি লক্ষ্য ৰাখি অসমীয়া গহনাৰ জি আই টেগৰ প্ৰস্তাৱ গ্ৰহণ কৰা হৈছিল। অৱশেষত এই প্ৰস্তাৱে ন্যায্যতা লাভ কৰে।
জি আই টেগ লাভ কৰা অসমৰ সম্পদসমূহ-
তেজপুৰৰ লিচু, কাৰ্বি আংলঙৰ আদা, জহা চাউল, বোকা চাউল, চকোৱা চাউল,অৰ্থডক্স টী, কাজি নেমু. অসমীয়া জাপি, আশাৰীকান্দিৰ পুতলা শিল্প, অসমৰ কাঁহ শিল্প, মাজুলীৰ মুখা শিল্প, জুডিমা, গামোচা, আৰনাই, জৌ গৈৰান. মাইব্ৰা, জৌ বিদৈ, জৌ গিচি, নামফা আদি।
