মঙলবাৰে গুগলৰ চিইঅ’ সুন্দৰ পিচাইয়ে এক বৃহৎ ঘোষণা কৰি ভাৰতত কৃত্ৰিম বুদ্ধিমত্তা (AI) হাব স্থাপনৰ কথা ঘোষণা কৰে। এই পদক্ষেপৰ বাবে কোম্পানীটোৱে ১৫ বিলিয়ন ডলাৰ বিনিয়োগ কৰিব। পিচাইয়ে উল্লেখ কৰে যে তেওঁ এই বিষয় সন্দৰ্ভত প্ৰধানমন্ত্ৰী নৰেন্দ্ৰ মোদীৰ সৈতে আলোচনা কৰিছে।
এক নিৰ্দিষ্ট পৰিকল্পনাৰে অন্ধ্ৰ প্ৰদেশৰ বিশাখাপট্টনমত এটা বৃহৎ ডাটা চেণ্টাৰ আৰু এ আই হাব নিৰ্মাণ কৰা হ’ব।
সুন্দৰ পিচাইয়ে ছ’চিয়েল মিডিয়া প্লেটফৰ্ম এক্সত এই সন্দৰ্ভত এটা পোষ্ট শ্বেয়াৰ কৰে। তেওঁ লিখিছে, ‘ভাৰতৰ প্ৰধানমন্ত্ৰী নৰেন্দ্ৰ মোদীৰ সৈতে আলোচনা অতি ফলপ্ৰসু আছিল। আমি বিশাখাপট্টনমত নিৰ্মাণ হ’বলগীয়া গুগলৰ প্ৰথমটো এআই হাবৰ পৰিকল্পনা সন্দৰ্ভত কথা পাতিলো। এইটো এটা ঐতিহাসিক পদক্ষেপ হ’ব।’
উল্লেখ্য যে, গুগলৰ ১৫ বিলিয়ন ডলাৰ বিনিয়োগ কৰাৰ পৰিকল্পনা ভাৰতৰ বাবে অত্যন্ত ইতিবাচক কথা। এই বিনিয়োগৰ দ্বাৰা ভাৰতৰ যথেষ্ট লাভ হ’ব বুলি অ্থনৈতিক বিশেষজ্ঞসকলে ধাৰণা কৰিছে।
