স্বাধীনতা দিৱস উপলক্ষে প্ৰধানমন্ত্ৰী নৰেন্দ্ৰ মোদীয়ে এটা ডাঙৰ ঘোষণা কৰে। এই ঘোষণা আছিল জি এছ টি স্লেবৰ পৰিৱৰ্তনক লৈ। প্ৰধানমন্ত্ৰী মোদীয়ে কৈছিল যে চৰকাৰে দীপাৱলীৰ পৰা জি এছ টি সংস্কাৰ আনিছে। ইয়াৰ অধীনত বৰ্তমানৰ হাৰসমূহ পুনৰীক্ষণ কৰা হ’ব। অৰ্থাৎ বস্তুৰ ওপৰত জি এছ টিৰ হাৰৰ পৰিৱৰ্তন হ’ব পাৰে।
অৱশ্যে এই পৰিৱৰ্তন কিমান হ’ব সেয়া এতিয়াও স্পষ্ট হোৱা নাই। সংস্কাৰৰ অধীনলৈ চৰকাৰে মাত্ৰ দুটা জি এছ টি স্লেবহে আনিব বুলি দাবী কৰা হৈছে। বৰ্তমান জি এছ টি চাৰিটা স্লেবত আছে – ৫%, ১২%, ১৮% আৰু ২৮%, যিটো সংস্কাৰৰ পিছত মাত্ৰ ৫% আৰু ১৮%হে থাকিব। এই সন্দৰ্ভত এতিয়ালৈকে কোনো আনুষ্ঠানিক ঘোষণা কৰা হোৱা নাই।
যদি চৰকাৰে দীপাৱলীত নতুন ৰেট ৰূপায়ণ কৰে আৰু জল্পনা-কল্পনাৰ মতে পৰিৱৰ্তন ঘটে, তেন্তে কনজিউমাৰ ইলেক্ট্ৰনিকছৰ সৈতে জড়িত বহু বস্তু সস্তা হ’ব পাৰে। উদাহৰণস্বৰূপে টিভি, ফ্ৰীজ আৰু এয়াৰ কণ্ডিচনাৰ সুলভ হ’ব পাৰে। প্ৰধানমন্ত্ৰীৰ এই ঘোষণাৰ পিছত আকৌ এবাৰ আশাৰে ভৰি পৰিছে দেশৰ বজাৰ।
এই বিষয়ত হাইয়াৰ ইণ্ডিয়াৰ সভাপতি এন এছ সতীশে কয় যে আগন্তুক জি এছ টি সংস্কাৰে কনজিউমাৰ ইলেক্ট্ৰনিকছ আৰু সঁজুলি উদ্যোগৰ বাবে নতুন সুযোগ মুকলি কৰিব। ইয়াৰ ফলত অধিক লোকে প্ৰিমিয়াম সামগ্ৰীৰ সুবিধা লাভ কৰিব – বিশেষকৈ ৩২ ইঞ্চিতকৈ ডাঙৰ এল ই ডি টিভি আৰু এয়াৰ কণ্ডিচনাৰ।
তেওঁ কয় যে উৎসৱৰ বতৰক মনত ৰাখি জি এছ টিৰ যুক্তিসংগতকৰণে গ্ৰাহকক উন্নত বৈশিষ্ট্যযুক্ত সামগ্ৰী কম মূল্যত ক্ৰয় কৰাৰ সুযোগ দিব আৰু ই-কমাৰ্চৰ বিক্ৰীও বৃদ্ধি পাব। ইয়াৰ প্ৰত্যক্ষ লাভ টায়াৰ-২ আৰু টায়াৰ-৩ চহৰসমূহত উপনীত হ’ব, যাৰ ফলত বজাৰত প্ৰিমিয়াম সামগ্ৰীৰ চাহিদা বৃদ্ধি পাব।
ইতিমধ্যে চৰকাৰে প্ৰস্তাৱ কৰা হ্ৰাসক ইতিবাচক পদক্ষেপ হিচাপে বিবেচিত হৈছে। ইয়াৰ ফলত উৎসৱৰ বতৰত ব্ৰেণ্ডসমূহে ২০% পৰ্যন্ত বৃদ্ধি পাব পাৰে, বিশেষকৈ এচি (এয়াৰ কণ্ডিচনাৰ) আৰু ৩২ ইঞ্চিতকৈ ডাঙৰ স্মাৰ্ট টিভিৰ দৰে সামগ্ৰীত।
