ধৰি লওক আপুনি আপোনাৰ বন্ধু-বান্ধৱীৰ সৈতে সন্ধিয়াৰ পাৰ্টিৰ পৰিকল্পনা কৰিছে। কিন্তু সেই পাৰ্টিত মাদক দ্ৰব্যৰ বটলটো খুলিবলৈ ওলোৱাৰ সময়তে হঠাৎ সকলো সুৰা মাটিত পৰি যায়। এনে পৰিস্থিতিত কি হ’ব? স্পষ্টভাৱে পাৰ্টিৰ সকলো মজা নাইকিয়া হৈ যাব আৰু যিজনে এই ভুল কৰিলে তেওঁক সকলোৱে খং কৰিব। কাৰণ এজন মদ্যপায়ীয়ে সকলো সহ্য কৰিব পাৰে, কিন্তু সুৰাৰ অপমান সহ্য কৰিব নোৱাৰে।
কিন্তু এতিয়া ছ’চিয়েল মিডিয়াত এক ভিডিঅ’ ভাইৰেল হৈ আছে, যিয়ে সকলো সুৰাপায়ীকে ক্ষুব্ধ কৰি তোলাৰ লগতে তেওঁলোকৰ হৃদয় ভাঙি পেলোৱাটো নিশ্চিত। ভাইৰেল হোৱা এই ভিডিঅ’টো ড্ৰাই ষ্টেট গুজৰাটৰ বুলি জানিব পৰা গৈছে, য’ত প্ৰশাসনে বৃহৎ পৰিমাণৰ সুৰা জব্দ কৰি সেই বটলবোৰৰ ওপৰেৰে বুলডজাৰ চলায়।
আচলতে গুজৰাট প্ৰশাসনে এই সুৰা বটলবোৰৰ ওপৰত বুলডজাৰ চলাই ভিডিঅ’ বনায়, তাৰ পিছত সেই ভিডিঅ’ ভাইৰেল হৈ পৰে। ভিডিঅ’টোত দেখা যায় যে বৃহৎ পৰিমাণৰ বিদেশী সুৰাৰ বটল মাটিত ৰাখি তাৰ ওপৰত আৰক্ষীৰ উপস্থিতিত বুলডজাৰ চলায়।
সুৰাৰ বটলৰ ওপৰত বুলডজাৰৰ ব্যৱস্থা লোৱাৰ লগে লগে ভিডিঅ’টো ছ’চিয়েল মিডিয়াত ভাইৰেল হৈ পৰে। এনে অপমান আৰু সুৰাৰ এনে দুৰ্দশা দেখি সকলো সুৰাপায়ীয়ে বিভিন্ন ধৰণৰ মন্তব্য কৰিবলৈ ধৰে। গুজৰাট প্ৰশাসনক অতি নিষ্ঠুৰ মানুহ বুলি অভিহিত কৰে বহুজনে।
