গুৱাহাটী মহানগৰীত আকৌ সংঘটিত হৈছে এক চাঞ্চল্যকৰ ঘটনা। প্ৰেম প্ৰত্যাখ্যানৰ বাবে প্ৰতিৰোধৰ বলি হয় এগৰাকী ছাত্ৰী।
উল্লেখ্য যে, দীৰ্ঘদিন ধৰি নৱম শ্ৰেণীৰ এগৰাকী ছাত্ৰীক প্ৰেমৰ প্ৰস্তাৱ দি আহিছিল ধনমনি দাস নামৰ এজন উদণ্ড যুৱকে। অৱশেষত ভাবুকি দি থকা এইটো লম্পটতো পৰিল আৰক্ষীৰ জালত। বিগত দুবছৰ ধৰি নৱম শ্ৰেণীৰ কিশোৰীগৰাকীক প্ৰেমৰ জালত পেলাবলৈ বিভিন্ন কাণ্ড কৰি আহিছিল নলবাৰীৰ যুৱক ধনমণিয়ে।
আনকি ছাত্ৰীগৰাকীৰ ফটো বিকৃত কৰি ছ’চিয়েল মিডিয়াত ভাইৰেল কৰাৰো ভাবুকি দিছিল লম্পটটোৱে। এই লম্পট যুৱকজনৰ কৰ্মকাণ্ডত অতিষ্ঠ হৈ পৰিছিল ছাত্ৰীগৰাকীৰ পৰিয়ালৰ লোক। অভিযুক্ত ধনমনি দাসে ছাত্ৰীগৰাকীৰ পৰা দূৰৈত যাবলৈ অকলশৰীয়া মাতৃক ধন দাবীও কৰিছিল। আনকি স্কুলৰ পৰা ঘৰমুৱা হোৱা ছাত্ৰীগৰাকীক বাট আগুচি শৰীৰত এচিড ঢালি দিয়াৰো ভাবুকি দিছিল।
বিজ্ঞাপন
ইফালে ১১ মাৰ্চত ছাত্ৰীগৰাকীৰ গৃহত চোকা অস্ত্ৰ লৈ প্ৰৱেশ কৰে ধনমণিয়ে। অৱশেষত উপায় নাই হৈ 100 ডায়েল কৰি মাতৃ-কন্যাই খবৰ দিয়ে আৰক্ষীক। তাৰ লগে লগেই আৰক্ষীয়ে জালত পেলাই উদণ্ড যুৱক ধনমণিক।
সম্প্ৰতি ভগদত্তপূৰ আৰক্ষী থানাৰ আলহী নলবাৰীৰ কুমাৰীকাটাৰ যুৱক ধনমণি।
