সভ্য সমাজক লজ্জানত কৰা এক চাঞ্চল্যকৰ ঘটনাই জোকাৰি গৈছে দিছপুৰ চুপাৰ মাৰ্কেটৰপৰা হাজোৰ কলিতাকুছিলৈ। এজন দুজন নহয় চাৰিজনকৈ পৰপুৰুষৰ সৈতে অবৈধ প্ৰেমৰ সম্পৰ্কৰ অভিযোগ এইগৰাকী মহিলাৰ বিৰুদ্ধে স্বামী হাফিছ ৰছিদৰ।
ইনষ্টাগ্ৰামত ৰিল বনাই ভাল পোৱা মহিলা দুই সন্তানৰ মাতৃ। ৮ বছৰ পূৰ্বে হাজোৰ কলিতাকুছিৰ আব্দুল হাফিজৰ লগত বিবাহপাশত আৱদ্ধ হৈছিল মহিলাগৰাকী।
আব্দুল হাফিজে দুই সন্তানসহিতে পত্নীসহ বিগত কেইবা মাহ ধৰি গুৱাহাটিৰ দিছপুৰত ভাড়াতীয়া হিচাপে বাস কৰি আহিছিল । আব্দুল হাফিজ এগৰাকী চৰকাৰী কৰ্মচাৰী। আব্দুল হাফিজে বিস্ফোৰক অভিযোগ দিয়ে যে তেওঁ ঘৰত নথকাৰ সুযোগ লৈ তেওঁৰ পত্নীয়ে ৰক্ষা কৰিছিল বহুজনৰে সৈতে প্ৰেমৰ অবৈধ সম্পৰ্ক।
ইফালে পত্নীৰ অবৈধ প্ৰেমৰ সম্পৰ্কৰ কথা স্বামী তথা পৰিয়ালৰ লোকে গম পোৱাত পত্নীয়ে উত্তেজিত হৈ স্বামীৰ ওপৰত শাৰিৰীক-মানসিক নিৰ্যাতন চলোৱাৰ লগতে স্বামী গৃহৰ পৰিয়ালকো ভয় ভাবুকি দিয়াৰ অভিযোগ উত্থাপন কৰে।
আকৌ স্বামীয়ে গুৱাহাটীৰ ভাড়াঘৰৰ পৰা হাজোৰ নিজ ঘৰলৈ বুলি অহাত সুযোগ বুজি তেওঁৰ পত্নীয়ে ভাড়া ঘৰৰ তলা ভাঙি সোণৰ গহনা, নগদ ধন ১.৫ লাখৰো অধিক টকা লৈ উধাও হোৱাৰো বিস্ফোৰক অভিযোগ দিয়ে হাফিজ ৰছিদে। ইয়াৰ পৰিপেক্ষিতত হাজোৰ হাফিজ ৰছিদে দিছপুৰ থানাত দাখিল কৰিছে এজাহাৰ। এতিয়া আৰক্ষীৰ তদন্ততহে ওলাই পৰিব এই ঘটনাৰ আচল ৰহস্য।
