বেছিভাগ মহিলাই প্ৰতিমাহে ঋতুচক্ৰৰ সময়ত কষ্টেৰে দিন পাৰ কৰিবলগীয়া হয়। প্ৰায় ১২ বছৰৰ পৰা ৫৫ বছৰ বয়সৰ প্ৰতিগৰাকী মহিলাই এই পৰ্যায়েৰে মাজেৰে পাৰ হয়।
কিছুমান মহিলাৰ মাহেকীয়াৰ সময়ত অসহ্যকৰ বিষ হয়। আনকি ইয়াৰ পৰা সকাহ পাবলৈ তেওঁলোকে ঔষধো খাব লগা হয়, কিন্তু যিকোনো বিষনাশক ঔষধে আমাৰ লিভাৰত বিৰূপ প্ৰভাৱ পেলায়, গতিকে পিৰিয়ড ক্ৰেম্পৰ পৰা সকাহ পাবলৈ ঘৰতে কিছু পানীয় বনাব পাৰি।
পিৰিয়ড ক্ৰেম্পৰ পৰা সকাহ পাবলৈ ঘৰতে বনাব পৰা এই পানীয়বোৰ হ’ল-
- আদাৰ পানী
ঋতুস্ৰাৱৰ ক্ৰেম্পত পোৱা অসুবিধাৰ পৰা সকাহ পাবলৈ আদাৰ পানী সেৱন অতি ফলপ্ৰসূ। ইয়াৰ বাবে এটা পাত্ৰত পানী উতলাই লৈ তাৰ পিছত তাত কুটি লোৱা আদা দিব লাগিব, তাৰ পিছত ৫ মিনিট উতলোৱাৰ পিছত সেই পানী সেৱন কৰিলে পিৰিয়ডৰ বিষৰ পৰা সকাহ পোৱা যাব।
- আজৱাইন পানী
মাহেকীয়াৰ সময়ত আজৱাইন ৰোষ্ট কৰি খাব পাৰে। ইয়াৰ বাবে এক চামুচ আজৱাইন এগিলাচ পানীত উতলাই ল’ব লাগে। ইয়াক সেৱন কৰিলে ক্ৰেম্পৰ সমস্যাৰ পৰা মুক্তি পাব পাৰি।
- মেথি পানী
মেথিৰ গুটিয়ে পিৰিয়ডৰ বিষ কমোৱাত সহায়ক হয়। ইয়াক সেৱন কৰাৰ আটাইতকৈ উত্তম উপায় হ’ল ৰাতি এচামুচ মেথি গুটি তিয়াই পিছদিনা এই পানী উতলাই তাৰ পিছত চালনীৰে ফিল্টাৰ কৰি সেৱন কৰিব লাগে। এনে কৰিলে এই বিষৰ পৰা উপশম পাব পাৰি।
