বিগত কেইবছৰমানৰ পৰা মানৱ শৰীৰত থাইৰয়ডৰ সমস্যা দ্ৰুতগতিত বৃদ্ধি পাইছে। বিশেষকৈ মহিলাৰ ক্ষেত্ৰত এই সমস্যা দেখা যায়। ইয়াৰ কাৰণ দ্ৰুতগতিত ওজন বৃদ্ধি বা হৰম’নৰ পৰিৱৰ্তন বুলি ক’ব পাৰি।
উল্লেখ্য যে, থাইৰয়ড দুই প্ৰকাৰৰ, প্ৰথমটো হ’ল হাইপাৰথাইৰয়ডিজম আৰু দ্বিতীয়টো হ’ল হাইপ’থাইৰয়ডিজম।
নেচনেল ইনষ্টিটিউট অৱ হেল্থৰ তথ্য অনুসৰি, শৰীৰত থাইৰয়ড হৰম’নৰ উন্নত ভাৰসাম্য বা উন্নত উৎপাদনৰ বাবে আয়’ডিনৰ বহু প্ৰয়োজন। নিৰামিষভোজী মানুহৰ শৰীৰত আয়’ডিনৰ পৰিমাণ কম হ’ব পাৰে। এনে পৰিস্থিতিত ব্যক্তি এজনৰ খাদ্যাভ্যাসৰ বিশেষ যত্ন ল’বলগীয়া হ’ব পাৰে।
থাইৰয়ড নিয়ন্ত্ৰণ কৰিবলৈ এই খাদ্যসমূহ নিজৰ খাদ্য তালিকাত অন্তৰ্ভুক্ত কৰা উচিত-
- দৈ
তথ্য অনুসৰি দুগ্ধজাত সামগ্ৰী বিশেষকৈ দৈয়ে আয়’ডিনৰ অভাৱ বহু পৰিমাণে দূৰ কৰিব পাৰে। যদি ব্যক্তি এজনে একাপ দৈ খায় তেন্তে ই ৮৫ মিলিগ্ৰাম আয়’ডিনৰ অভাৱ পূৰণ কৰিব পাৰে। যিটো হৈছে ৫০ শতাংশ দৈনিক গ্ৰহণ।
- কণী
প্ৰতিদিনে এটা ডাঙৰ কণী খালে দৈনিক গ্ৰহণ কৰা আয়’ডিনৰ ১৬ শতাংশ অতিক্ৰম কৰিব পাৰে। এইদৰে থাইৰয়ডৰ সমস্যা দূৰ কৰিবলৈ কণীক ছুপাৰফুড বুলি ক’ব পাৰি।
- জামু
থাইৰয়ড ভাৰসাম্য ৰক্ষা কৰিবলৈ আয়’ডিনৰ লগতে চেলেনিয়াম আৰু ভিটামিন ডিৰো প্ৰয়োজন হয়। ইয়াৰ উপৰিও এন্টিঅক্সিডেন্ট অতি গুৰুত্বপূৰ্ণ যিবোৰ বিভিন্ন প্ৰকাৰৰ জামুত পোৱা যায়।
- কবি আৰু ব্ৰকলি
গৱেষণাৰ পৰা দেখা গৈছে যে কবি পৰিয়ালৰ শাক-পাচলি, যেনে ব্ৰকলি, ফুলকবি, কবি, চাইনিজ কবি আদি থাইৰয়ডৰ ভাৰসাম্য ৰক্ষাৰ বাবে অতি উপকাৰী।
- মাংস, কুকুৰা, মাছ
যদি আপুনি নিৰামিষভোজী হয় তেন্তে মাংস, কুকুৰা, মাছ, সাগৰীয় খাদ্য আদি খাদ্য তালিকাত অন্তৰ্ভুক্ত কৰি থাইৰয়ডৰ সমস্যা দূৰ কৰিব পাৰে। ইহঁতৰ ভিতৰত থকা পুষ্টি যেনে জিংক, ওমেগা ৩ ফেটি এচিড আদিয়ে আপোনাক সুস্থ কৰি ৰখাত সহায় কৰে।
