চাহপ্ৰেমীৰ ৰাতিপুৱাটো চাহ সেৱন নকৰাকৈ আৰম্ভ নহয়। ৰাতিপুৱাৰ চাহকাপত সেৱন নকৰিলে বা দিনটোত ২ৰ পৰা ৩ বাৰ চাহ চুমুক নামাৰিলে কামত অক্ষম হৈ পৰে বা কোনো কামতে মনোনিৱেশ কৰিব নোৱাৰে।
সাধাৰণতে ওজন কমাব বিচাৰিলে গাখীৰৰ চাহ খোৱাৰ পৰা বিৰত থকাটো বাঞ্ছনীয়। কিন্তু ওজন কমাবলৈ চেষ্টা কৰিও কেনেকৈ চাহ খাব পাৰে ইয়াত উল্লেখ কৰা হৈছে জানো আহক-
- চাহ কেনেকৈ বনাব
চাহ বনাবলৈ আধা ইঞ্চি আদা ২ কাপ পানীত কুটি লব। তাত আধা ইঞ্চি ডালচেনি দিব। পানীখিনি ১ৰ পৰা ২ মিনিট উতলাৰ পিছত তাত চাহপাত, গুড় আৰু গাখীৰ দি উতলাই লব লাগিব। চাহ উতোলোৱাৰ পিছত চেকি লৈ সেৱন কৰিব লাগে। এই চাহ খালে শৰীৰে চেনি নাপায় আৰু আদা-ডালচেনিয়ে শৰীৰক ঔষধি গুণ দিয়ে।
সাধাৰণ চাহ খোৱাৰ ফলতো শৰীৰত বহু ধৰণে প্ৰভাৱ পৰে। এনে পৰিস্থিতিত জলপানৰ লগত চাহ খাব লাগে। প’হা, ডালিয়া, উপমা, চিলা, ষ্টাফড ৰুটি বা ওটছ ৰাতিপুৱাৰ ব্ৰেকফাষ্টত চাহৰ লগত খাব পাৰি। মাখানাও চাহৰ লগত খাব পাৰে।
