ফিটনেছৰ বাবে খোজ কঢ়াটোৱেই উত্তম বুলি গণ্য কৰা হয়। শিশুৰ পৰা বৃদ্ধলৈকে প্ৰতিজন ব্যক্তিয়ে বয়স অনুযায়ী বেলেগ বেলেগ বেগেৰে খোজ কাঢ়িব পাৰে। খোজ কঢ়াটোৱেও উখহি উঠা পেট কমোৱাত সহায় কৰে। যদি কোনোবাই প্ৰতিদিনে ১ ঘণ্টা সঠিকভাৱে খোজ কাঢ়ে, তেন্তে ইয়াৰ পৰা শৰীৰে আচৰিত ধৰণৰ উপকাৰ লাভ কৰে।
প্ৰতিদিনে এঘণ্টা খোজ কাঢ়িলে কেৱল ওজন কমি যোৱাই নহয়, হৃদযন্ত্ৰ, ডায়েবেটিছ, উচ্চ ৰক্তচাপ আৰু মেদবহুলতাৰ দৰে সমস্যাৰ পৰা পৰিত্ৰাণ পোৱাত সহায় কৰে। যিকোনো সময়তে খোজ কাঢ়িব পাৰি, কিন্তু ৰাতিপুৱা খোজ কঢ়াৰ বাবে সৰ্বোত্তম সময় বুলি গণ্য কৰা হয়।
যদি আমি প্ৰতিদিনে ১ ঘণ্টাকৈ খোজ কাঢ়ো, তেন্তে এসপ্তাহৰ ভিতৰতে আপোনাৰ শৰীৰত ইয়াৰ প্ৰভাৱ দেখিবলৈ আৰম্ভ কৰিব। যদিও আৰম্ভণিতে ওজন বৰ বেছি দ্ৰুতগতিত কমি নাযায়, কিন্তু প্ৰতিদিনে পুৱা খোজ কাঢ়িলে আমাৰ মানসিক চাপৰ মাত্ৰা হ্ৰাস পাব। আমি বহুত বেছি সতেজ আৰু সক্ৰিয় অনুভৱ কৰিম। শৰীৰে অতি লঘু অনুভৱ কৰিবলৈ আৰম্ভ কৰিব আৰু আমি অধিক শক্তিশালী হ’ম। খোজ কাঢ়িলে আমাৰ টোপনিও ভাল হ’ব।
খোজ কঢ়াৰ উপকাৰিতা-
দৈনিক ১ ঘণ্টা খোজ কাঢ়িলে আমাৰ ওজন কমি যাব। দ্ৰুত গতিত খোজ কঢ়াটো হৃদযন্ত্ৰৰ বাবে সৰ্বোত্তম বুলি বিবেচিত হয়। দৈনিক খোজকাঢ়িলে তেজত চেনিৰ মাত্ৰা হ্ৰাস পায়, ইয়াৰ ফলত ডায়েবেটিছ ৰোগীৰ সমস্যা হ্ৰাস পাব পাৰে। খোজ কাঢ়িলে বেয়া কলেষ্টেৰল কমি যায় আৰু লগতে ৰক্তচাপ স্বাভাৱিক কৰি ৰাখে। উচ্চ ৰক্তচাপ ৰোগীয়ে দৈনিক খোজ কাঢ়িব লাগে। গাঁঠিবোৰ শক্তিশালী কৰাৰ বাবেও খোজ কঢ়াটো এক ফলপ্ৰসূ ব্যায়াম।
