বিপদে লগ নেৰা হৈছে মহানগৰবাসীক। এক ভয়ানক পৰিবেশে গ্ৰাস কৰিছে মহানগৰীৰ বিস্তৃত অঞ্চল। এজাক বৰষুণতেই হাহাকাৰ পৰিস্থিতিৰ সৃষ্টি হৈছে গুৱাহাটীত। মহানগৰীৰ প্ৰায়ভাগ অঞ্চলেই বৰ্তমান কৃত্ৰিম বানৰ কবলত।
বিগত কিছুদিন ধৰি ৰাজ্যৰ বিভিন্ন প্ৰান্ত গুৱাহাটীকে ধৰি ৰাজ্যৰ কেইবাখনো জিলাত ধাৰাষাৰ বৰষুণৰ ফলত সৃষ্টি হৈছে এক অভাৱনীয় পৰিস্থিতিৰ। মহানগৰীৰ বাট-পথ বৰ্তমান কৃত্ৰিম বানৰ কবলত।
ৰাস্তাত পানী জমা হোৱাৰ বাবে সৃষ্টি হৈছে তীব্ৰ যান-জঁটৰ। যাৰ বাবে মহানগৰবাসী তীব্ৰ অসুবিধাৰ সন্মুখীন হৈছে। সোমবাৰে অহা মুষলধাৰ বৰষুণৰ ফলত সৃষ্টি হোৱা এই কৃত্ৰিম বানৰ ফলত ৰাস্তাতেই বহুসময় ধৰি আৱদ্ধ হৈ থাকিব লগা হৈছিল স্কুল-কলেজৰ ছাত্ৰ-ছাত্ৰীৰ লগতে ব্যৱসায়ীসকল তথা চৰকাৰী-বেচৰকাৰী কাৰ্যালয়ৰ সকলো লোক।
এনেধৰণৰ পৰিস্থিতিৰ মাজতেই বতৰ বিজ্ঞানে পুণৰ ধাৰাসাৰ বৰষুণৰ আগজাননী প্ৰদান কৰিছে। আগন্তুক ৪দিনৰ বাবে ৰাজ্যৰ ২৬ খনকৈ জিলাত Yellow Alert জাৰি কৰিছে বতৰ বিজ্ঞান বিভাগে।
দক্ষিণ শালমাৰা, ধুবুৰী, চিৰাং, কোকৰাঝাৰ, বঙাইগাঁও, বাক্সা, গোৱালপাৰা, ওদালগুৰি, দৰং, মৰিগাঁও, শোণিতপুৰ, নগাঁও, কাৰ্বি আংলং, ডিমা হাছাও, গোলাঘাট,কাছাৰ, হাইলাকান্দি, কৰিমগঞ্জ, লখিমপুৰ, মাজুলী, যোৰহাট, ধেমাজি, তিনিচুকীয়া আদি জিলাত Yellow Alert জাৰি কৰিছে বতৰ বিজ্ঞান বিভাগে।
