এছিয়া কাপ চলি থকাৰ মাজতে ৱেষ্ট ইণ্ডিজৰ বিৰুদ্ধে খেলিবলগীয়া টেষ্ট শৃংখলাৰ বাবে ঘোষণা কৰা হ’ল ভাৰতীয় দল। শুভমন গিল নেতৃত্বাধীন ভাৰতীয় দলটোত স্থান লাভ কৰিছে ১৫ গৰাকী ক্ৰিকেটাৰে।
এই শৃংখলাটোৰ বাবে উপ-অধিনায়কৰ দায়িত্ব প্ৰদান কৰা হৈছে অলৰাউণ্ডাৰ ৰবীন্দ্ৰ জাদেজাক। আজি ঘোষণা কৰা দলটোত কেইবাগৰাকীও নতুন মুখক স্থান দিয়া হৈছে যদিও দলৰ পৰা বাহিৰ হৈছে কেইবাগৰাকীও জ্যেষ্ঠ খেলুৱৈ।
শেহতীয়াকৈ ইংলেণ্ডৰ বিৰুদ্ধে অনুষ্ঠিত হৈ যোৱা টেষ্ট শৃংখলাটোত ভাৰতীয় দলত স্থান পোৱা কৰুণ নায়াৰ, অৰ্শদ্বীপ সিং, অভিমন্যু ঈশ্বৰণৰ লগতে হৰ্ষিত ৰাণাই ৱেষ্ট ইণ্ডিজৰ বিৰুদ্ধে শৃংখলাটোত দলত সুযোগ লাভ নকৰিলে। ইয়াৰ উপৰি দলত স্থান লাভ নকৰিলে ছৰফৰাজ খান আৰু মহম্মদ ছামীয়েও।
ৱেষ্ট ইণ্ডিজৰ বিৰুদ্ধে টেষ্ট শৃংখলাৰ বাবে ভাৰতীয় দল :
শুভমন গিল, যশস্বী জয়ছৱাল, ছাই সুদৰ্শন, দেৱদত্ত পডিক্কল, ধ্ৰুৱ জুৰেল (উইকেটকীপাৰ), ৰবীন্দ্ৰ জাদেজা (উপ অধিনায়ক), ৱাশ্বিংটন সুন্দৰ, যশপ্ৰীত বুমৰাহ, অক্ষৰ পেটেল, নীতিশ কুমাৰ ৰেড্ডী, এন জগদীশন, মহম্মদ ছিৰাজ, প্ৰসিদ্ধ কৃষ্ণা আৰু কুলদীপ যাদৱ।
