ইজৰাইল-ইৰাণ যুদ্ধৰ মাজতে আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণক সকীয়নি দিয়ে। দেওবাৰে ট্ৰাম্পে কয় যে, ১৪ জুনৰ নিশা ইৰাণৰ ওপৰত হোৱা আক্ৰমণৰ সৈতে আমেৰিকাৰ কোনো সম্পৰ্ক নাই। তেওঁ লগতে কয় যে, যদিহে ইৰাণে আমেৰিকাক আক্ৰমণ কৰিবলৈ চেষ্টা কৰে, তেন্তে আমেৰিকাৰ সশস্ত্ৰ বাহিনীয়ে সম্পূৰ্ণ শক্তিৰে ইৰাণক তচনচ কৰিবলৈ কুণ্ঠাবোধ নকৰে।
ইয়াৰ কেইঘণ্টামান পূৰ্বে ইজৰাইলে দাবী কৰিছিল যে, দেশখনে ইৰাণৰ প্ৰতিৰক্ষা মন্ত্ৰালয়ৰ মুখ্য কাৰ্যালয় আৰু এটা পাৰমাণৱিক প্ৰকল্পত বৃহৎ পৰিসৰৰ আক্ৰমণ চলাইছে। লগতে দেশখনৰ মুৰব্বীয়ে সামাজিক মাধ্যমত এটা পোষ্ট কৰি কয় যে, ইৰাণৰ ওপৰত হোৱা আক্ৰমণৰ সৈতে আমেৰিকাৰ কোনো সম্পৰ্ক নাই। যদি ইৰাণৰ দ্বাৰা কোনো ধৰণে ইজৰাইলক আক্ৰমণ কৰা হয়, তেন্তে আমেৰিকাই সশস্ত্ৰ বাহিনীৰ সম্পূৰ্ণ শক্তিৰে ইৰাণক আক্ৰমণ কৰি দেশখন ধ্বংস কৰি পেলাব।
ইৰাণী শাসনৰ পাৰমাণৱিক অস্ত্ৰ প্ৰকল্পৰ সৈতে জড়িত তেহৰাণৰ লক্ষ্যত ধাৰাবাহিকভাৱে আক্ৰমণ সম্পূৰ্ণ কৰা বুলি দেওবাৰে ইজৰাইলৰ প্ৰতিৰক্ষা বাহিনীয়ে প্ৰকাশ কৰে। লগতে এটা পোষ্টত কোৱা হৈছে যে, এই লক্ষ্যত ইৰাণৰ প্ৰতিৰক্ষা মন্ত্ৰালয়ৰ মুখ্য কাৰ্যালয় আৰু এছপিএনডি পাৰমাণৱিক প্ৰকল্প অন্তৰ্ভুক্ত কৰা হৈছে। ইৰাণে নিজৰ পাৰমাণৱিক আৰ্কাইভ লুকুৱাই ৰখা এটা স্থানতো আক্ৰমণ কৰা বুলি আইডিএফে প্ৰকাশ কৰে।
