পৃথিৱীৰ দ্ৰুততম বিস্তাৰিত ধৰ্ম হৈছে ইছলাম। পিউ ৰিচাৰ্চ চেণ্টাৰৰ প্ৰতিবেদন অনুসৰি, যিটো গতিত মুছলমানসকলৰ জনসংখ্যা বৃদ্ধি পাইছে, ২০৭০ চনলৈ বিশ্বত এই ধৰ্মত বিশ্বাস কৰা লোকৰ সংখ্যা সৰ্বাধিক হ’ব।
কিন্তু এনে বহুতো দেশ আছে, য’ত বহুসংখ্যক লোকে ইছলাম ত্যাগ কৰিছে। ইয়াৰ ভিতৰত কিছুমান মুছলমান দেশো অন্তৰ্ভুক্ত আছে। এই দেশবোৰৰ বিষয়ে আপোনাক জানো আহক।
২০১৯ চনৰ পিউ ৰিচাৰ্চ চেণ্টাৰৰ প্ৰতিবেদন অনুসৰি, আমেৰিকা যুক্তৰাষ্ট্ৰৰ মুছলমান পৰিয়ালত ডাঙৰ-দীঘল হোৱা প্ৰায় ২৩ শতাংশ প্ৰাপ্তবয়স্কই ইছলামধৰ্মৰ সৈতে জড়িত হোৱা নাছিল। অৰ্থাৎ, ১.৩ নিযুত মুছলমানে ইছলাম ত্যাগ কৰিছিল। এই প্ৰাপ্তবয়স্কসকলৰ প্ৰায় ৭ শতাংশই কৈছিল যে, তেওঁলোকে ইছলামৰ শিক্ষাৰ সৈতে একমত নহয়।
একে সময়তে, ২০২০ চনত জাৰ্মানীৰ এখন বাতৰি কাকত ডাই ৱেল্টৰ এক প্ৰতিবেদনত কোৱা হৈছিল যে, প্ৰতি বছৰে প্ৰায় ১৫-২০ হাজাৰ লোকে জাৰ্মানীত ইছলাম ত্যাগ কৰি আছে।
একে সময়তে, ইউনাইটেড কিংডমৰ বহুলোকেও ইছলাম ত্যাগ কৰিছে। টাইমছ বাতৰি কাকতৰ মতে, ইউকেত প্ৰতি বছৰে প্ৰায় ১ লাখ লোকে ইছলাম ত্যাগ কৰে।
কেৱল এয়াই নহয়, মুছলমান দেশ ইৰাণৰো বহুতো লোকে ইছলাম ত্যাগ কৰি আন ধৰ্ম গ্ৰহণ কৰিছে। ইৰাণৰ এজন ধৰ্মীয় নেতাই ২০২৩ চনত কৈছিল যে, বখতিয়াৰী জনজাতিৰ লোকসকলে পাৰ্চী ধৰ্ম গ্ৰহণ কৰি আছে, আনহাতে বহুলোকে ইতিমধ্যে খ্ৰীষ্টান ধৰ্মগ্ৰহণ কৰিছে।
মধ্য প্ৰাচ্যত ধৰ্মৰ এই সৰ্ববৃহৎ জৰীপ ১৯৮১ চনৰ পৰা ২০২০ চনলৈ সংঘটিত হৈছিল। মিচিগান বিশ্ববিদ্যালয়ৰ এক জৰীপত দেখা গৈছে যে; টিউনিচিয়া, মৰক্কো আৰু ইৰাকৰ দৰে মুছলমান দেশসমূহত ইছলাম ধৰ্ম অনুসৰণ কৰা লোকসকলে এতিয়া নিজকে নাস্তিক বুলি পৰিচয় দিয়ে।
ইয়াকে লৈ মুছলমান ধৰ্মগুৰুসকল চিন্তিত হৈ পৰিছে। অতিমাত্ৰা গোড়ামিৰ তথা শাসন ব্যৱস্থাৰ নামত সাধাৰণ মানুহৰ ওপৰত চলা শোষণৰ বাবেই মুছলমান লোকসকলৰ ইছলাম ধৰ্মৰ প্ৰতি অনিহা আহিছে।
