ইৰাণৰ উচ্চতম নেতা আয়াতুল্লাহ আলী খামেনেই ইজৰাইলৰ বিৰুদ্ধে হামাছৰ জয়ৰ দাবী কৰি ইজৰাইলে তীব্ৰ আক্ৰমণ চলাই কয় যে ‘ইনশ্বাআল্লাহ, ইহুদী শাসন ব্যৱস্থা অনাগত দিনত হিজবুল্লাহৰ হাতত পৰাস্ত হ’ব।
উচ্চতম নেতা আয়াতুল্লাহ আলী খামেনেই ইৰাণৰ এক্সপাৰ্ট এছেম্বলীৰ সদস্যসকলক সাক্ষাৎ কৰে। এই সময়ছোৱাত খামেনেইয়ে প্ৰতিৰোধ গোটৰ, য’ত আছিল লেবাননৰ নেতা ছেইদ হাছান নাছৰল্লাহ, আন্দোলনৰ জ্যেষ্ঠ নেতা ছেইদ হাছিম ছাফিদীন, লগতে হামাছৰ নেতা ইছমাইল হানিয়া, ইয়াহিয়া সিনৱাৰ আৰু ইৰাণৰ সামৰিক অধিনায়ক আব্বাছ নীলফৌছানকে ধৰি যুদ্ধত প্ৰাণ হেৰুওৱা সকলো নেতাক স্মৰণ কৰে।
ইৰাণৰ সৰ্বোচ্চ নেতা আয়াতুল্লাহ আলী খামেনেই কয় যে, লেবানন, গাজা আৰু পেলেষ্টাইনত চলি থকা সংঘাতে নিশ্চিতভাৱে প্ৰতিৰোধমূলক গোটসমূহক জয়ৰ দিশত আগুৱাই নিব। খামেনেইয়ে যুদ্ধত নিহত হামাছ আৰু হিজবুল্লাহৰ নেতা নছৰল্লাহ, ইছমাইল হানিয়া, সিনৱাৰকে ধৰি শ্বহীদ বুলি অভিহিত কৰি কয় যে এই লোকসকলে ইছলামৰ মৰ্যাদা বৃদ্ধি কৰিছে।
খামেনেইয়ে কৈছে যে, হিজবুল্লাহে এটা সৰু গোটৰ পৰা এটা বৃহৎ আৰু শক্তিশালী সংগঠনলৈ ৰূপান্তৰিত হৈছে। আকৌ ইজৰাইলক আক্ৰমণ কৰি খামেনেই কয় যে, শত্ৰুপক্ষই এই সংগঠনৰ ওপৰত জয়লাভ কৰিবলৈ সক্ষম হোৱা নাই আৰু ইনশ্বাআল্লাহ, সেয়া কেতিয়াও সফল নহয়। তেওঁ কয় যে, এদিন সমগ্ৰ বিশ্বই দেখিব যে ঈশ্বৰৰ পথত থাকি যুদ্ধ কৰা বাবে এই যোদ্ধাসকলৰ হাতত ইহুদী শাসন ক্ষমতা পৰাস্ত হ’ব।
হামাছ-ইৰাণৰ বিৰুদ্ধে নেতানিয়াহুৰ পৰাজয়-
পেলেষ্টাইনী প্ৰতিৰোধ গোট হামাছ আৰু গাজাত ইজৰাইলৰ শাসনৰ বিৰুদ্ধে ইয়াৰ যুঁজৰ কথা উল্লেখ কৰি তেওঁ কয় যে হামাছৰ যুদ্ধ অব্যাহত থকাৰ অৰ্থ হ’ল ইহুদী শাসন ব্যৱস্থাক পৰাস্ত কৰা হৈছে আৰু ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে হামাছক নিৰ্মূল কৰাৰ মনস্থ কৰিছিল যদিও তেওঁ নিজ লক্ষ্যত উপনীত হ’বলৈ সক্ষম হোৱা নাই।
খামেনেই কয় যে, নেতানিয়াহুৱে হামাছক সম্পূৰ্ণৰূপে ধ্বংস কৰাৰ লক্ষ্য কৰি লৈছিল। নেতানিয়াহুৱে ইতিমধ্যে বহু লোকক হত্যা কৰিছে। যাৰ ফলত সমগ্ৰ বিশ্বক ইজৰাইল আৰু নেতানিয়াহুক নিন্দা কৰিছে। খামেনেই কয় যে, যদি ইজৰাইলে ভাবে যে ইছমাইল হানিয়া আৰু সিনৱাৰৰ দৰে নেতাৰ মৃত্যুৰ বাবে হামাছ ধ্বংস হৈছে, তেন্তে সেয়া ভুল। তেওঁ কয় যে, এই নেতাসকলক হেৰুৱালেও হামাছে ইজৰাইলৰ বিৰুদ্ধে যুঁজি আছে আৰু এয়া হৈছে ইহুদী শাসনৰ ব্যৰ্থতা।
ইৰাণৰ উচ্চতম নেতাই কয় যে, বিগত কেইবাটাও দশকত হিজবুল্লাহ আৰু হামাছে ইজৰাইলক বহুবাৰ পৰাস্ত কৰিছে। তেওঁ কয় যে, বিগত ১৫ টা বছৰত পেলেষ্টাইনী প্ৰতিৰোধীয়ে ইহুদী শাসনৰ বিৰুদ্ধে ৯খন যুদ্ধ কৰি বিজয়ৰ সৈতে এই সংঘাতৰ অন্ত পেলাইছে।
