সাম্প্ৰতিক সময়ৰ শ্ৰেষ্ঠ বলাৰ জশপ্ৰীত বুমৰাহে ৰচিলে ইতিহাস। ছিডনী টেষ্ট মেচৰ দ্বিতীয় দিনা লাবুশ্বানেক আউট কৰাৰ লগে লগে ভাৰতৰ হৈ বিদেশত খেলা টেষ্ট শৃংখলাৰ সৰ্বোচ্চ উইকেট দখল কৰা বলাৰ হৈ পৰে বুমৰাহ। এই ক্ষেত্ৰত বুমৰাহে ভংগ কৰে বিষণ সিং বেদীৰ অভিলেখ।
বিদেশত খেলা টেষ্ট শৃংখলাত বিষন সিং বেদীয়ে মুঠ ৩১টা উইকেট দখল কৰিছিল। আনহাতে ব’ৰ্ডাৰ-গাভাস্কাৰ শৃংখলাত এই পৰ্যন্ত মুঠ ৩২টা উইকেট দখল কৰিবলৈ সক্ষম হৈছে যশপ্ৰীত বুমৰাহে। ইয়াৰ সমান্তৰালকৈ বুমৰাহ অষ্ট্ৰেলিয়াত খেলা এটা শৃংখলাৰ সময়ত সৰ্বাধিক উইকেট দখল কৰা ভাৰতীয় বলাৰ হিচাপেও পৰিগণিত হৈছে।
বুমৰাহৰ মাৰাত্মক বলিঙৰ বাবেই চলিত শৃংখলাটোত কিছু পৰিমানে প্ৰত্যাহ্বান সৃষ্টি কৰিবলৈ সক্ষম হৈছে ভাৰত।
অষ্ট্ৰেলিয়াৰ ভূমিত খেলা এটা শৃংখলাত সৰ্বাধিক উইকেট দখলকাৰী ভাৰতীয় বলাৰ
৩২- জশপ্ৰীত বুমৰাহ (২০২৪/২৫)
৩১- বিষন সিং বেদী (১৯৭৭/৭৮)
২৮- বিএছ চন্দ্ৰশেখৰ (১৯৭৭/৭৮)
২৫- ইএএছ প্ৰসন্না (১৯৬৭/৬৮)
২৫- কপিল দেৱ (১৯৯১/৯২)
ভাৰতৰ বাহিৰত এটা শৃংখলাত সৰ্বাধিক উইকেট দখলকাৰী ভাৰতীয় বলাৰ
৩২- জশপ্ৰীত বুমৰাহ অষ্ট্ৰেলিয়া (২০২৪/২৫)
৩১- বিষন সিং বেদী অষ্ট্ৰেলিয়া (১৯৭৭/৭৮)
২৮- বিএছ চন্দ্ৰশেখৰ অষ্ট্ৰেলিয়া (১৯৭৭/৭৮)
২৭- সুভাষ গুপ্তে, ৱেষ্ট ইণ্ডিজ (১৯৫২/৫৩)
২৫- ইএএছ প্ৰসন্না, অষ্ট্ৰেলিয়া (১৯৬৭/৬৮)
ইফালে ভাৰত-অষ্ট্ৰেলিয়াৰ মাজত চলি থকা ব’ৰ্ডাৰ-গাভাস্কাৰ ট্ৰফী ইতিহাসত এটা শৃংখলাত সৰ্বাধিক উইকেট দখল কৰাৰ ক্ষেত্ৰত হৰভজন সিঙৰ সৈতে সমতা স্থাপন কৰে বুমৰাহে। বুমৰাহে আৰু এটা উইকেট লোৱাৰ লগে লগে তেওঁ অষ্ট্ৰেলিয়াৰ বিৰুদ্ধে ব’ৰ্ডাৰ-গাভাস্কাৰ ট্ৰফী ইতিহাসত এটা শৃংখলাত সৰ্বাধিক উইকেট দখল কৰাৰ অভিলেখ গঢ়িব। হৰভজন সিঙে ২০০১-০২ শৃংখলাত ৩২টা উইকেট দখল কৰিছিল।
