দেওবাৰে পুনৰ সংঘটিত হৈছে ৰে’ল দুৰ্ঘটনা। গুৱাহাটী অভিমুখী কামাখ্যা এক্সপ্ৰেছ দুৰ্ঘটনাত পতিত হোৱাৰ খবৰ আহিছে। ওড়িশাৰ কটকৰ নিৰগুণ্ডী ষ্টেচনৰ সমীপত কামাখ্যা এক্সপ্ৰেছৰ ১১টা দবা লাইনচ্যুত হৈছে।
এই ঘটনাত এজন যাত্ৰী গুৰুতৰভাৱে আহত হৈছে। আহত লোকজনক এম্বুলেন্সযোগে ততাতয়াকৈ হাস্পতাললৈ প্ৰেৰণ কৰা হৈছে। অৱশ্যে দুৰ্ঘটনাত আন যাত্ৰীসকলৰ কথমপি প্ৰাণ ৰক্ষা পৰা বুলি জানিব পৰা গৈছে।
স্থানীয় এজন লোকে সংবাদ মাধ্যমক জনোৱা মতে, নিজ নিজ গন্তব্যস্থানত উপনীত হ’বলৈ বিকল্প ব্যৱস্থা বিচাৰি একাংশ যাত্ৰীয়ে নিজাববীয়াকৈ সেই স্থান এৰি যোৱা দেখা গৈছিল। লাইনচ্যুত হোৱাৰ খবৰ লাভ কৰাৰ পিছতে ঘটনাস্থললৈ ৰে’ল বিভাগৰ শীৰ্ষ বিষয়া ঘটনাস্থলত উপস্থিত হৈছে।
বাংগালুৰুৰ পৰা গুৱাহাটী অভিমুখে আহি আছিল ৰে’লখন।
