২০২৪ চনত কৰ্ণাটকৰ হাভেৰীত এগৰাকী মহিলাৰ সৈতে দলীয়ভাৱে সংঘটিত হয় অপকৰ্ম। এই জঘন্য কাণ্ডৰ ৭জন অভিযুক্তৰ ভিতৰত ইতিমধ্যে ৫জনে জামিন লাভ কৰে।
পিছে জামিন লাভ কৰিয়েই এই অভিযুক্ত ৫জনে অনুষ্ঠিত কৰে এক ৰোড শ্ব’ অনুষ্ঠিত কৰে। এই ৰোড শ্ব’ উদযাপন কৰাৰ অপৰাধত পুনৰ গ্ৰেপ্তাৰ কৰা হয় অভিযুক্তকেইজনক। এই ভিডিঅ’টো ছ’চিয়েল মিডিয়াত ভাইৰেল হোৱাৰ পিছতেই এই ব্যৱস্থা গ্ৰহণ কৰা হৈছে।
হাবেৰী উপকাৰাগাৰৰ পৰা আৰম্ভ হোৱা এই শোভাযাত্ৰাত ৫খন বাহন আৰু ২০জনৰো অধিক লোকৰ কনভয় লৈ ৰাজপথলৈ ওলাই আহে। এই ভিডিঅ’টোত অভিযুক্তই হাঁহি হাঁহি বিজয়ৰ চিন দেখুৱাই থকা দেখা গৈছে। এই ভিডিঅ’টো প্ৰকাশ পোৱাৰ পিছতে ৰাইজে তীব্ৰ গৰিহণা দিয়াৰ লগতে সামাজিক মাধ্যমতো ক্ষোভ প্ৰকাশ কৰে।
উল্লেখ্য যে, আৰক্ষীৰ তথ্য অনুসৰি ২০২৪ চনত কৰ্ণাটকৰ হাভেৰীত আন্তঃধৰ্মীয় দম্পতীৰ হোটেলৰ কোঠাত কেইবাজনো লোক প্ৰৱেশ কৰিছিল। ইয়াৰ পিছতে অভিযুক্তই মহিলাগৰাকীক টানি ওচৰৰ হাবিলৈ লৈ যায় আৰু অপকৰ্ম সংঘটিত কৰাৰ অভিযোগ উত্থাপন হয়। এই বিষয়টো পোহৰলৈ অহাত আৰক্ষীয়ে উচিত তদন্ত আৰম্ভ কৰি অভিযুক্তক গ্ৰেপ্তাৰ কৰে।
পিছে আদালতত উপযুক্ত প্ৰমানৰ অভাৱত অভিযুক্তক চিনাক্ত কৰিব নোৱাৰাৰ পিছতে ৭জন অভিযুক্তৰ ভিতৰত ৫জনে জামিন লাভ কৰে। যাৰ বাবে হাবেৰী অধিবেশন আদালতে আফতাব চন্দনাকট্টি, মাদাৰ চাব মাণ্ডক্কি, সমীভুল্লা লালনাভাৰ, মহম্মদ ছাদিক আগাছিমণি, শ্বোৱেইব মল্ল, তৌছিপ চোটি আৰু ৰিয়াজ ছাৱিকেৰীৰ জামিন মঞ্জুৰ কৰে।
