মধ্যপ্ৰদেশ উচ্চ ন্যায়ালয়ে স্পষ্ট কৰি দিয়ে যে, এগৰাকী মহিলাই নিজৰ ইচ্ছামতে বিবাহিত পুৰুষৰ সৈতে থাকিব পাৰে। ইতিমধ্যে বিয়া হোৱা পুৰুষৰ লগত নাৰীক থাকিবলৈ কোনো আইন নাই। আদালতে লগতে কয় যে, যদি ব্যক্তি এজনে বিবাহৰ পিছতো যদি আন এগৰাকী নাৰীৰ সৈতে লিভ ইন থাকিব বিচাৰে, তেন্তে প্ৰথম পত্নীয়েহে এই গোচৰ ৰুজু কৰিব পাৰিব। নৈতিকতাৰ বিষয়ত হস্তক্ষেপ নকৰে বুলি মধ্যপ্ৰদেশ আদালতে জানিবলৈ দিয়ে।
দৰাচলতে এক আবেদনৰ শুনানি গ্ৰহণ কৰি মধ্যপ্ৰদেশ উচ্চ ন্যায়ালয়ে কয় যে, কোনো আইনে বিবাহিত পুৰুষৰ সৈতে মহিলাক থাকিবলৈ বাধা নিদিয়ে। লগতে আদালতে কয় যে, নিজৰ সিদ্ধান্ত ল’বলৈ সক্ষম হোৱা মহিলাক বলপূৰ্বকভাৱে পিতৃ-মাতৃৰ ওচৰলৈ ঘূৰাই পঠিয়াব নোৱাৰি, যদিহে তেওঁৰ বয়স ওঠৰ বছৰৰ ওপৰত হয়, তেন্তে তেওঁ যি বিচাৰে তেওঁৰ লগত থাকিব পাৰে।
বাৰ এণ্ড বেঞ্চৰ প্ৰতিবেদন অনুসৰি, ১৮ আগষ্টত মধ্যপ্ৰদেশ উচ্চ ন্যায়ালয়ে দিয়া সিদ্ধান্তত মহিলাগৰাকী প্ৰাপ্তবয়স্ক আৰু কাৰ লগত থাকিব বিচাৰে সেইটো সিদ্ধান্ত লোৱাৰ অধিকাৰ আছে বুলি কয়। আদালতে লগতে কয় যে এগৰাকী মহিলাক বিবাহিত পুৰুষৰ সৈতে থাকিবলৈ বাধা দিয়া কোনো আইন নাই। নৈতিকতাৰ সৈতে জড়িত বিষয়ত আদালতে কোনো যুক্তি দিব নোৱাৰে আৰু মহিলাগৰাকীয়ে যিজনৰ লগতেই থাকিব বিচাৰে, তেওঁৰ সৈতে থাকিবলৈ অধিকাৰ আছে বুলি বিশ্বাস কৰে।
