২০২৪ চনৰ মহাৰাষ্ট্ৰ বিধানসভা নিৰ্বাচনত মহাযুতীৰ দৰ্শনীয় বিজয়ৰ পিছত মুখ্যমন্ত্ৰীৰ নামক লৈ সৃষ্টি হৈছে তীব্ৰ চাঞ্চল্যৰ। এই বৃহৎ মিত্ৰতাত সৰ্বাধিক আসন লাভ কৰা দলসমূহ হ’ল- ভাৰতীয় জনতা পাৰ্টি (বিজেপি), একনাথ সিণ্ডেৰ শিৱসেনা আৰু অজিত পাৱাৰৰ জাতীয়তাবাদী কংগ্ৰেছ পাৰ্টি।
গতিকে এইটো স্পষ্ট হৈ উঠিছে তেওঁলোকৰ মাজৰ কোনোবা এজনেই মুখ্যমন্ত্ৰী হ’ব। অৱশ্যে বৰ্তমান মুখ্যমন্ত্ৰী পদৰ বাবে দুগৰাকী প্ৰতিদ্বন্দ্বী আছে – বিজেপিৰ দেৱেন্দ্ৰ ফাড়নৱিছ আৰু শিৱসেনাৰ একনাথ সিণ্ডে। এনে পৰিস্থিতিত অজিত পাৱাৰে মুখ্যমন্ত্ৰীৰ নাম চূড়ান্ত কৰাৰ ক্ষেত্ৰত চি এম মেকাৰৰ ভূমিকা পালন কৰিব পাৰে।
মহাযুতীৰ মুঠ ২৩৫খন আসনৰ ভিতৰত বিজেপিয়ে ১৩২খন, শিৱসেনাই ৫৭খন আৰু এনচিপিয়ে ৪১খন আসন লাভ কৰে। এই নিৰ্বাচনী পৰিসংখ্যাবোৰলৈ চালে শিৱসেনা আৰু এন চি পি অবিহনে বিজেপিয়ে চৰকাৰ গঠন কৰিব নোৱাৰে।
চৰকাৰ গঠন কৰিবলৈ হ’লে ১৪৫ৰ যাদুকৰী সংখ্যাৰ প্ৰয়োজন হয়।আনহাতে শিৱসেনা আৰু এন চি পিয়ে একেলগে একো কৰিব নোৱাৰিব, কাৰণ একেলগে তেওঁলোকে মাত্ৰ ৯৮ খন আসনহে সংযোজন কৰিব পাৰিব। অৱশ্যে অজিত পাৱাৰে নিজৰ স্থিতি স্পষ্ট কৰি দিছে যে, দেৱেন্দ্ৰ ফড়নৱিছ মুখ্যমন্ত্ৰী হ’লে তেওঁৰ কোনো সমস্যা নাই।
প্ৰাক্তন মন্ত্ৰী তথা শিৱসেনাৰ কাৰ্যকৰ্তা ৰামদাস কদমে মঙলবাৰে অৰ্থাৎ ২৬ নৱেম্বৰ, ২০২৪ ত কয় যে, অজিত পাৱাৰৰ বাবেই গ্ৰেণ্ড মিত্ৰতাত মুখ্যমন্ত্ৰী পদৰ বাবে দাবী উত্থাপন কৰাৰ শিৱসেনাৰ ক্ষমতা হ্ৰাস পাইছে। কাৰণ এন চি পিৰ মুৰব্বীয়ে দেৱেন্দ্ৰ ফাড়নৱিছ মুখ্যমন্ত্ৰী বুলি হোৱাত তেওঁৰ কোনো আপত্তি নাই।
সোমবাৰে মহাযুতিত অনুষ্ঠিত হোৱা বৈঠকৰ পাছত যেন অজিত পাৱাৰে দেৱেন্দ্ৰ ফড়নৱিছৰ নেতৃত্বত পুনৰবাৰ উপ মুখ্যমন্ত্ৰীৰ পদ ল’বলৈ সাজু হৈছে। ঠিক যেনেকৈ ২০১৯ চনৰ নিৰ্বাচনত ঘটিছিল। কিন্তু ৮০ ঘণ্টাৰ ভিতৰতে বিজেপি চৰকাৰৰ পতন ঘটে। দ্বিতীয়তে, অজিত পাৱাৰে বিবেচনা কৰিব পাৰে যে, যদি একনাথ সিণ্ডে মুখ্যমন্ত্ৰী হয়, তেন্তে আসনৰ পাৰ্থক্যৰ বাবে তেওঁ এন চি পিৰ বাবেও বিজেপিৰ দৰেই একেটা পদৰ দাবী কৰিবলৈ সক্ষম হ’ব।
