সামাজিক মাধ্যমত মহিলাক অশালীন ব্যৱহাৰ কৰি আৰক্ষীৰ হাতত আটক হ’ল সাহিত্যিক ইছমাইল হুছেইন। এগৰাকী মহিলাই মঙলদৈ থানাত দাখিল কৰা এজাহাৰৰ ভিত্তিত ইছমাইল হুছেইনক আটক কৰে আৰক্ষীয়ে।
মঙ্গলদৈ সদৰ থানাৰ ভাৰপ্ৰাপ্ত বিষয়া চন্দন জ্যোতি বৰাৰ নেতৃত্বত যোৱা এটি আৰক্ষীৰ দলে যোৰহাট গড় আলিৰ পৰা আটক কৰে হুছেইনক।
উল্লেখযোগ্য যে মহিলাগৰাকীয়ে ইছমাইল হুছেইনৰ বিৰুদ্ধে সামাজিক মাধ্যমত অশালীন মন্তব্য কৰাৰ বাবে মঙলদৈ আৰক্ষী থানাত এজাহাৰ দাখিল কৰিছিল। উক্ত এজাহৰৰ ভিত্তিতেই হুছেইনক আটক কৰে বুলি জানিব পৰা গৈছে।
ইছমাইল হুছেইনে কৰ্মসূত্ৰে গুৱাহাটীত থাকে যদিও আৰক্ষীয়ে মোবাইল লোকেশ্যনৰ ভিত্তিত যোৰহাটৰ গৰআলিৰ পৰা আটক কৰে।
কি কাৰণত যোৰহাটত আছিল সেই কথা এতিয়াও জানিব পৰা হোৱা নাই। বৰ্তমান ইছমাইল হুছেইনক মঙলদৈ সদৰ আৰক্ষী থানাত আৰক্ষীয়ে সোধা পোচা অব্যাহত ৰাখিছে।
