১৫ মে’ত উচ্চতম ন্যায়ালয়ে অপকৰ্ম সংঘটিত কৰা এজন দোষীৰ শাস্তি স্থগিত ৰাখিছে। ইয়াৰ কাৰণ হ’ল দোষীয়ে ভুক্তভোগীলৈ বিবাহৰ প্ৰস্তাৱ আগবঢ়ায়।
ন্যায়াধীশ বি ভি নাগাৰথ্না আৰু সতীশ চন্দ্ৰ শৰ্মাৰ বিচাৰপীঠে দম্পতীহালক আদালতৰ ভিতৰত ইজনে সিজনক ফুল দিবলৈ কয়। ইয়াৰ পিছতে দুয়োজনে ইজনে সিজনৰ সৈতে বিবাহপাশত আৱদ্ধ হোৱাৰ ইচ্ছা প্ৰকাশ কৰে।
ব্যক্তিজনৰ শাস্তি স্থগিত ৰখাৰ সময়ত উচ্চতম ন্যায়ালয়ে কয় যে তেওঁলোক (অপকৰ্ম সংঘটন কৰা দোষী আৰু ভুক্তভোগী)য়ে ইজনে সিজনক চিৰদিনৰ বাবে আপোন কৰি ল’বলৈ সাজু। এনে পৰিস্থিতিত উচ্চতম ন্যায়ালয়ে দোষীৰ শাস্তি স্থগিত ৰাখে।
৬ মে’ৰ নিৰ্দেশ অনুসৰি আজি এই আদালতত হাজিৰ হ’ল দোষীক। তেওঁক পুনৰ জেললৈ প্ৰেৰণ কৰি অতি সোনকালে সংশ্লিষ্ট অধিবেশন আদালতত হাজিৰ কৰা হ’ব।
উল্লেখ্য যে, ২০২১ চনত অভিযুক্তৰ বিৰুদ্ধে এফআইআৰ ৰুজু হৈছিল। কিয়নো ২০১৬ চনৰ পৰা ২০২১ চনলৈ বিবাহৰ মিছা প্ৰতিশ্ৰুতি দি ভুক্তভোগীৰ সৈতে বাৰে বাৰে অপকৰ্ম সংঘটিত কৰাৰ অভিযোগ উত্থাপন হৈছিল। এফআইআৰৰ মতে, ফেচবুকৰ জৰিয়তে দুয়োৰ চিনাকি হৈছিল। তাৰ পিছতেই তেওঁলোকৰ মাজত এক সম্পৰ্ক গঢ় লৈ উঠিছিল। অভিযোগ অনুসৰি প্ৰতিবাৰেই ভুক্তভোগীক বিবাহৰ আশ্বাস দিছিল।কিন্তু পিছত শাৰীৰিক সম্পৰ্ক স্থাপন কৰি উঠি বিয়া পিছুৱাই আছিল।
