৫১ গৰাকী প্ৰতিভাশালী ফাইনেলিষ্টৰ ভিতৰত গুজৰাটৰ ১৮ বছৰীয়া ৰিয়া সিনহাই মিছ ইউনিভাৰ্ছ ইণ্ডিয়া ২০২৪ ৰ মুকুট পিন্ধাৰ পিছত হৃদয় জয় কৰিছে আৰু শিৰোনাম দখল কৰিছে। ৫১ জন প্ৰতিভাশালী প্ৰতিযোগীৰ বিৰুদ্ধে প্ৰতিদ্বন্দিতা কৰি ৰিয়াই দেওবাৰে ৰাজস্থানৰ জয়পুৰত অনুষ্ঠিত গ্ৰেণ্ড ফাইনেলত বিজয়ী হয়।
গুজৰাটৰ ৰিয়া সিনহাই মিছ ইউনিভাৰ্ছ ইণ্ডিয়া ২০২৪ ৰ মুকুট পিন্ধে। ভৱিষ্যতে বিশ্বব্যাপী মিছ ইউনিভাৰ্ছ ২০২৪ প্ৰতিযোগিতাত ভাৰতক প্ৰতিনিধিত্ব কৰিব ৰিয়াই।
মিছ ইউনিভাৰ্ছ ইণ্ডিয়া ২০২৪ৰ গ্ৰেণ্ড ফিনালে ২২ ছেপ্টেম্বৰত ৰাজস্থানৰ জয়পুৰত অনুষ্ঠিত হৈছিল।
ডাঙৰ বিজয়ৰ পিছত সংবাদ মাধ্যমৰ সৈতে বাৰ্তালাপ কৰি ১৯ বছৰীয়া ৰিয়া সিঙে কয় যে, মিছ ইউনিভাৰ্ছ ইণ্ডিয়া ২০২৪ ৰ খিতাপ অৰ্জন কৰি তেওঁ যথেষ্ট সুখী। লগতে বহুত কৃতজ্ঞ। এই স্তৰত উপনীত হ’বলৈ তেওঁ যথেষ্ট কাম কৰিছে, য’ত তেওঁ নিজকে এই মুকুটৰ বাবে যোগ্য বুলি বিবেচনা কৰিব পাৰে। তেওঁ পূৰ্বৰ বিজয়ীসকলৰ দ্বাৰা যথেষ্ট অনুপ্ৰাণিত।
জনপ্ৰিয় অভিনেত্ৰী আৰু মিছ ইউনিভাৰ্ছ ইণ্ডিয়া ২০১৫ উৰ্বশী ৰৌতেলাই অনুষ্ঠানটোত বিচাৰক হিচাপে কাৰ্যনিৰ্বাহ কৰে।
ফাইনেলৰ ঠিক পিছতেই, মিছ ইউনিভাৰ্ছ ইণ্ডিয়াৰ ইনষ্টাগ্ৰাম পৃষ্ঠাত এটা নিখুঁত ট্ৰেকৰ সৈতে ৰিয়া সিনহাৰ বিজয় মুহূৰ্ত শ্বেয়াৰ কৰে। ব্ৰিটিছ ৰক বেণ্ড কোল্ডপ্লেৰ বেকগ্ৰাউণ্ড ট্ৰেক “মাই ইউনিভাৰ্ছ” মিছ ইউনিভাৰ্ছ ইণ্ডিয়াৰ ইনষ্টাগ্ৰাম পোষ্টত ছেট কৰা হৈছে। এইটো হৈছে কোল্ডপ্লেৰ এটা আইকনিক গান।
