সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
আজি T20 বিশ্বকাপ ক্ৰিকেটৰ ফাইনেল মেচ। নিউজিলেণ্ডৰ বিৰুদ্ধে খিতাপ দখলৰ যুঁজত নামিব ভাৰত। সূৰ্যকুমাৰ যাদৱৰ নেতৃত্বত খেলপথাৰত নামিব টীম ইণ্ডিয়া। এই খেল অনুষ্ঠিত হ’ব আহমেদাবাদৰ নৰেন্দ্ৰ মোদী ষ্টেডিয়ামত । সন্ধিয়া ৭ বজাত অনুষ্ঠিত হ’ব এই ভাৰত-নিউজিলেণ্ডৰ মাজৰ এই ফাইনেল খেল।
আজি আন্তঃৰাষ্ট্ৰীয় নাৰী দিৱস। প্ৰতিগৰাকী নাৰীৰ সামাজিক, অৰ্থনৈতিক আৰু সাংস্কৃতিক কৃতিত্বক সন্মান জনাই সমগ্ৰ বিশ্বতে এই দিৱস পালন কৰা হয়। এই দিৱসত লিংগ সমতা, প্ৰজননৰ অধিকাৰ, নাৰীৰ ওপৰত হোৱা হিংসা আৰু নিৰ্যাতন, নাৰীৰ সম অধিকাৰ ইত্যাদি গুৰুত্বপূৰ্ণ বিষয়সমূহৰ ওপৰত আলোকপাত কৰা হয়। ২০২৬চনৰ নাৰীদিৱসৰ বিষয়বস্তু হৈছে- ‘Rights, Justice and Action For All Women And Girls’.
আজিৰ দিনটোত মাৰ্ঘেৰিটা, ডিগবৈ আৰু মাকুমত উপস্থিত হ’ব মুখ্যমন্ত্ৰী ড০ হিমন্ত বিশ্ব শৰ্মা। উন্মোচন কৰিব বীৰাংগনা সতী সাধনীৰ প্ৰতিমূৰ্তি। ইয়াৰ পাছতে ‘জন আৰ্শীবাদ যাত্ৰা’ত অংশগ্ৰহণ কৰিব মুখ্যমন্ত্ৰীগৰাকীয়ে।
মধ্যপ্ৰাচ্যত যুদ্ধ অব্যাহত থকাৰ মাজতে ইৰাণে ৩০ কোটি ডলাৰৰ আমেৰিকাৰ ৰাডাৰ ব্যৱস্থা ধ্বংস কৰা বুলি দাবী কৰিছে। এই ৰাডাৰটো হৈছে আমেৰিকাৰ THAAD (Terminal High Altitude Area Defense) মিছাইল ব্যৱস্থাৰ এটা মূল উপাদান AN/TPY-2। এই ৰাডাৰ ব্যৱস্থা ধ্বংস হোৱাৰ ফলত উপসাগৰীয় দেশসমূহৰ বাবে ভৱিষ্যতে ভাবুকিৰ সম্ভাৱনা আৰু অধিক বৃদ্ধি পাইছে।
