ইতিহাস, সংস্কৃতি-বিজ্ঞান বিৰাজিত আমাৰ দেশৰ ৫টা ডাঙৰ সংগ্ৰহালয়, জানক সবিশেষ

এখন দেশৰ বিষয়ে সৱিশেষ জানিবলৈ হলে সেই দেশখনৰ সংগ্ৰহালয়তকৈ উত্তম ঠাই আৰু হ’ব নোৱাৰে। গতিকে দেশ এখন ভ্ৰমণলৈ গ’লে ভিন্ন ঠাইৰ লগতে সেই ঠাইৰ সংগ্ৰহালয়টোও চাব লাগে। সংগ্ৰহালয়সমূহে এখন ঠাইৰ চহকী ঐতিহ্য প্ৰদৰ্শন কৰে।

ইয়াৰ দ্বাৰা ঠাইখনৰ শিল্প, শিল্পকৰ্ম, ইতিহাস, সংস্কৃতি, প্ৰযুক্তিসমূহ ওচৰৰ পৰা চাব আৰু বুজিব পাৰে। আজি আমি জানিম  ভাৰতৰ এনে কিছুমান সংগ্ৰহালয়ৰ বিষয়ে –

• ৰাষ্ট্ৰীয় সংগ্ৰহালয়, দিল্লী

পাঁচ শতিকাৰো অধিক ইতিহাস জড়িত দিল্লীৰ ৰাষ্ট্ৰীয় সংগ্ৰহালয়টো অতি আকৰ্ষণীয়। ইয়াত ভাৰতীয় সভ্যতাৰ তথ্য আগবঢ়োৱা হৈছে। ডাঙৰ কথাটো হ’ল যে, এই সংগ্ৰহালয়ত ইতিহাসৰ পৰা আধুনিক যুগলৈকে শিল্পকৰ্ম প্ৰদৰ্শন কৰা হৈছে।

• নেহৰু প্লেনেটেৰিয়াম মিউজিয়াম, দিল্লী

যদি আপুনি বিজ্ঞানৰ প্ৰতি আগ্ৰহী তেন্তে দিল্লীৰ টিন মূৰ্তি মাৰ্গত অৱস্থিত নেহৰু প্লেনেটেৰিয়াম মিউজিয়ামটো নিশ্চয়কৈ ভ্ৰমণ কৰা উচিত। দেশৰ প্ৰথম প্ৰধানমন্ত্ৰী জৱাহৰলাল নেহৰুৰ চৰকাৰী বাসগৃহটো পৰৱৰ্তী সময়ত সংগ্ৰহালয়লৈ ৰূপান্তৰিত কৰা হয়। ইয়াক বিশেষভাৱে জ্যোতিৰ্বিজ্ঞান আৰু শিক্ষাৰ প্ৰসাৰৰ বাবে ৰচনা কৰা হৈছিল। ইয়াৰ স্কাই থিয়েটাৰ ভ্ৰমণ কৰাটো এক আচৰিত অভিজ্ঞতা। এই সংগ্ৰহালয়ত বিশ্বব্ৰহ্মাণ্ডৰ জ্যোতিৰ্বিজ্ঞানৰ ঘটনাৰ তথ্য পোৱা যায়।

• চিটি পেলেচ মিউজিয়াম, উদয়পুৰ

যদি আপুনি ৰজা-মহাৰজাৰ ইতিহাসৰ বিষয়ে জানিব বিচাৰে, তেন্তে ৰাজস্থানতকৈ উত্তম ঠাই আৰু একোৱেই হ’ব নোৱাৰে। ইয়াত ভ্ৰমণকাৰীয়ে হালদীঘাটীৰ যুদ্ধৰ আচৰিত চিত্ৰ, মহাৰাণা প্ৰতাপে পিন্ধা কৱচ, প্ৰাচীন ভাস্কৰ্য্য, আৰু ৰজা-ৰাণীসকলে পিন্ধা ৰাজকীয় সাজ-পোছাক আদিৰ বিশেষ বিৱৰণ পাব।

• ভাৰতীয় সংগ্ৰহালয়, কলকাতা

১৮১৪ চনত স্থাপিত কলকাতাৰ ভাৰতীয় সংগ্ৰহালয়ক এছিয়াৰ অন্যতম পুৰণি সংগ্ৰহালয় হিচাপে গণ্য কৰা হয়। ইয়াত বৌদ্ধ ধৰ্মৰ ধ্বংসাৱশেষ আৰু গহনা সংৰক্ষিত হৈ আছে। ইজিপ্তৰ গেলেৰী সংগ্ৰহও ইয়াত অৱস্থিত। ইয়াৰ উপৰিও আন বহুতো প্ৰাচীন শিল্পকৰ্ম দেখা পোৱা যায়।

• প্ৰিন্স অৱ ৱেলছ মিউজিয়াম, মুম্বাই

যদি আপুনি মুম্বাই ভ্ৰমণ কৰিবলৈ গৈ আছে, তেন্তে প্ৰিন্স অৱ ৱেলছ মিউজিয়াম (ছাত্ৰপতি শিৱাজী মহাৰাজ বাস্তু সংগ্ৰহালয় বুলিও জনা যায়) নিশ্চয়কৈ যাব। চহৰখনৰ ঐতিহাসিক তাৎপৰ্য অপৰিসীম, আৰু এই সংগ্ৰহালয়ে ইয়াৰ কাহিনী কয়। মুম্বাইৰ অন্যতম পুৰণি সংগ্ৰহালয় এই সংগ্ৰহালয়ত উল্লেখযোগ্য স্থাপত্যৰ মাষ্টাৰপিছ প্ৰদৰ্শন কৰা হৈছে। দুবিঘা মাটিত অৱস্থিত এই তিনিমহলীয়া সংগ্ৰহালয়টো এক আচৰিত দৃশ্য। ইয়াৰ ভিতৰৰ অংশও আকৰ্ষণীয়, ইয়াত প্ৰায় ৫০,০০০ টা শিল্পকৰ্ম আছে।