ভাৰত-পাকিস্তান বিভাজন হোৱাৰ পিছৰে পৰাই ভাৰতৰ সৈতে সম্পৰ্ক উন্নত হোৱা নাই চিৰবৈৰী পাকিস্তানৰ। শেহতীয়াকৈ ভাৰতৰ প্ৰধানমন্ত্ৰী নৰেন্দ্ৰ মোদীয়ে পোলেণ্ডৰ পৰা নতুন দিল্লীলৈ উভতি অহাৰ সময়ত পাকিস্তানৰ এয়াৰ স্পেচ ব্যৱহাৰ কৰিছিল।
বিমান পৰিবহন সূত্ৰই শনিবাৰে পাকিস্তানী মিডিয়া সংগঠন জিঅ’ নিউজক অৱগত কৰিছিল এই কথা। পাকিস্তান অসামৰিক বিমান পৰিবহন কৰ্তৃপক্ষৰ (পিচিচিএ) সূত্ৰই প্ৰকাশ কৰিছে যে, পোলেণ্ডৰ পৰা নতুন দিল্লীলৈ উভতি অহাৰ সময়ত ভাৰতৰ প্ৰধানমন্ত্ৰী মোদীক কঢ়িয়াই নিয়া এখন বিমানে পাকিস্তানৰ আকাশসীমাৰ ওপৰেৰে উৰা মাৰিছিল।
পাকিস্তান অসামৰিক বিমান পৰিবহন কৰ্তৃপক্ষৰ মতে, প্ৰধানমন্ত্ৰী নৰেন্দ্ৰ মোদীৰ বিমানখন পুৱা ১০:১৫ বজাত পাকিস্তানৰ আকাশসীমাত প্ৰৱেশ কৰে আৰু পাকিস্তানৰ আকাশসীমাত ৪৬ মিনিট অতিবাহিত কৰাৰ পিছত পুৱা ১১:০১ বজাত উভতি আহে।
সূত্ৰ সমূহে কৈছিল যে, ভাৰতৰ প্ৰধানমন্ত্ৰীৰ বিমানখন চিত্ৰালৰ মাজেৰে পাকিস্তানৰ আকাশসীমাত প্ৰৱেশ কৰিছিল আৰু ভাৰতে অমৃতসৰত প্ৰৱেশ কৰাৰ আগতে ইছলামাবাদ আৰু লাহোৰৰ বায়ু নিয়ন্ত্ৰণ ক্ষেত্ৰৰ মাজেৰে পাৰ হৈছিল।
উল্লেখ্য যে, প্ৰধানমন্ত্ৰী নৰেন্দ্ৰ মোদী ইউক্ৰেইন কিয়েভলৈ যাওঁতে পোলেণ্ডৰ ৰাজধানী ৱাৰ্ছলৈ গৈছিল। কিয়েভত তেওঁ ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিক সাক্ষাৎ কৰে।
