লোকসভাৰ বিৰোধী দলপতি তথা সাংসদ ৰাহুল গান্ধীয়ে বিহাৰত আৰম্ভ কৰা ভোটাৰ অধিকাৰ যাত্ৰাৰ সময়ত এখন ৰাজহুৱা সভাত প্ৰধানমন্ত্ৰী নৰেন্দ্ৰ মোদীৰ মাতৃ হীৰাবেনক উদ্দেশ্যি কৰিছিল অশালীন মন্তব্য।
কংগ্ৰেছ নেতাগৰাকীৰ এই অশালীন মন্তব্যৰ বিৰোধিতাৰে বিজেপি মিত্ৰজোঁটে ৪ ছেপ্তেম্বৰ অৰ্থাত বৃহস্পতিবাৰে বিহাৰ বন্ধৰ ঘোষণা কৰিছে। পুৱা ৭ বজাৰ পৰা দুপৰীয়া ১২ বজালৈ বন্ধ কাৰ্যসূচী ৰূপায়ণ কৰিব।
এই বন্ধৰ আহ্বান জনোৱা বিহাৰৰ বিজেপি মহিলা মৰ্চাই কাইলৈৰ দিনটোত কংগ্ৰেছৰ বিৰুদ্ধে তীব্ৰ প্ৰতিবাদ সাব্যস্ত কৰিব বুলি জানিব পৰা গৈছে।
বিহাৰ বন্ধৰ সময়ছোৱাত বাছ সেৱা, ৰে’ল সেৱা, অটো-টেক্সীৰ লগতে চৰকাৰী-বেচৰকাৰী কাৰ্যালয়, শিক্ষানুষ্ঠান, ব্যৱসায় প্ৰতিষ্ঠানসমূহ সম্পূৰ্ণৰূপে বন্ধ হৈ পৰাৰ সম্ভাৱনা আছে।
আনহাতে হাস্পতাল, এম্বুলেন্সৰ দৰে জৰুৰীকালীন সেৱা বাধা নোহোৱাকৈয়ে চলি থাকিব বুলি বন্ধ আহ্বান জনোৱাসকলে জানিব দিয়ে।
