বিহাৰ বিধানসভা নিৰ্বাচনৰ বাবে চূড়ান্ত হ’ল ৰাষ্ট্ৰীয় গণতান্ত্ৰিক মৰ্চা (এনডিএ)ৰ আসন বিতৰণ প্ৰক্ৰিয়া। ৰাজ্যখনত এনডিএৰ সৰ্ববৃহত সহযোগী দল বিজেপি আৰু জেডিইউয়ে ১০১-১০১ আসনত প্ৰতিদ্বন্দ্বিতা কৰিব।
ইফালে ছিৰাগ পাছৱান নেতৃত্বাধীন লোক জনশক্তি পাৰ্টীয়ে (ৰাম বিলাস) ২৯ খন আসনত প্ৰতিদ্বন্দ্বিতা আগবঢ়াব। তদুপৰি জীতন ৰাম মাঝি নেতৃত্বাধানী হিন্দুস্তানী আৱাম মৰ্চা চেকুলাৰক আগন্তুক নিৰ্বাচনত প্ৰতিদ্বন্দ্বিতাৰ বাবে এৰি দিয়া হৈছে ৬খন আসন।
আসন ভাগ বটোৱাৰা সন্দৰ্ভত মন্তব্য কৰি বিহাৰৰ বিজেপি প্ৰভাৰী বিনোদ তাওড়েই কয় যে আগন্তুক নিৰ্বাচনৰ বাবে এনডিএ পৰিয়ালৰ প্ৰতিগৰাকী সদস্যৰ সৈতে হোৱা সৌহাৰ্দপূৰ্ণ আলোচনাৰ অন্তত আসন বিতৰণ প্ৰক্ৰিয়া চূড়ান্ত কৰা হৈছে। এনডিএৰ সহযোগী কোনো এটা দল এই ভাগ বটোৱাৰাক লৈ অসন্তুষ্ট নহয়।
দল হিচাপত আসন
বিজেপি- ১০১ আসন
জেডিইউ- ১০১ আসন
এ জে পি (আৰ)- ২৯ আসন
HAM- ৬ আসন
উপেন্দ্ৰ কুশ্বৱাহাৰ RLMক ৬খন আসন
উল্লেখ্য যে, ২৪৩খন আসনযুক্ত বিহাৰ বিধানসভা নিৰ্বাচন দুটা পৰ্যায়ত ক্ৰমে ৬ নৱেম্বৰ আৰু ১১ নৱেম্বৰত অনুষ্ঠিত হ’ব। ১৪ নৱেম্বৰত কৰা হ’ব ভোটগণনা।
