২০২৯ চনত অনুষ্ঠিত হ’বলগীয়া লোকসভা নিৰ্বাচনত কি ভূমিকা গ্ৰহণ কৰিব সেই বিষয়ে মন্তব্য কৰিছে ভাৰতৰ পথ পৰিবহণ আৰু ৰাষ্ট্ৰীয় ঘাইপথ মন্ত্ৰী নীতিন গাডকাৰীয়ে। এই সন্দৰ্ভত সোধা প্ৰশ্নৰ উত্তৰত গাডকাৰীয়ে কয় যে বিগত ১১ বছৰত যি দেখিলে সেয়া কেৱল নিউজ ৰীল আছিল আৰু প্ৰকৃত ছবি আহিবলৈ এতিয়াও বাকী আছে।
অৱশ্যে ভাৰতীয় জনতা পাৰ্টিৰ প্ৰাক্তন অধ্যক্ষ নীতিন গাডকাৰীয়ে কয় যে দলটোৱে নিজৰ কৰ্মীৰ দায়িত্ব নিজেই নিৰ্ধাৰণ কৰে আৰু বিজেপিয়ে তেওঁৰ বাবে যি দায়িত্ব নিৰ্ধাৰণ কৰে, তেওঁ সেই দায়িত্ব পালন কৰিব।
কেন্দ্ৰীয় পৰিবহণ মন্ত্ৰী নীতিন গাডকাৰীয়ে প্ৰধানমন্ত্ৰী নৰেন্দ্ৰ মোদীৰ চৰকাৰৰ ১১ বছৰ সম্পূৰ্ণ হোৱাৰ সন্দৰ্ভত এজন লোকক দিয়া এক সাক্ষাৎকাৰত কয়, ‘এতিয়ালৈকে যি হৈছে সেয়া মাত্ৰ এটা নিউজ ৰীল আছিল, আচল চিনেমা এতিয়াও আৰম্ভ হোৱা নাই।’
তেওঁ কয়, ‘এজন কাৰ্যকৰ্তাৰ দায়িত্ব কি হ’ব আৰু তেওঁ কি কাম কৰিব, সেয়া দলে সিদ্ধান্ত লয়। মোক যি দায়িত্ব দিয়া হয়, মই সেই দায়িত্ব পালন কৰিম।’
তেওঁ লগতে কয় যে তেওঁ কেতিয়াও নিজৰ ৰাজনৈতিক বায়’ডাটা প্ৰকাশ কৰা নাই আৰু কেতিয়াও সমৰ্থকসকলক বিমানবন্দৰত তেওঁৰ বাবে গ্ৰেণ্ড আদৰণি কাৰ্যসূচী আয়োজন কৰিবলৈ কোৱা নাই।
বিদৰ্ভত হৈ থকা কৃষকৰ আত্মহত্যা ৰোধ কৰাৰ ক্ষেত্ৰত কাম কৰাৰ ইচ্ছা আছে বুলিও কেন্দ্ৰীয় মন্ত্ৰীগৰাকীয়ে লগতে উল্লেখ কৰে।
