টাটা ট্ৰাষ্টৰ নতুন অধ্যক্ষ হিচাপে নিৰ্বাচিত হৈছে নোৱেল টাটা। মানৱদৰদী তথা প্ৰখ্যাত উদ্যোগপতি ৰতন টাটাৰ মৃত্যুৰ পিছত আজি অনুষ্ঠিত হোৱা টাটা ট্ৰাষ্টৰ ব’ৰ্ডৰ বৈঠকত তেওঁৰ উত্তৰাধিকাৰী বাছনি কৰা হয়।
খবৰ অনুসৰি টাটা ট্ৰাষ্টৰ নতুন অধ্যক্ষ হিচাপে নিৰ্বাচিত হৈছে নোৱেল টাটা। যোৱা ৯ অক্টোবৰৰ নিশা টাটা ছন্সৰ প্ৰাক্তন অধ্যক্ষ ৰতন টাটাৰ মৃত্যু হয়।
মুম্বাইত চলি থকা টাটা ট্ৰাষ্টৰ ব’ৰ্ডৰ বৈঠকৰ জৰিয়তে নিৰ্বাচিত হয় নতুন অধ্যক্ষগৰাকী। ট্ৰাষ্টৰ অধ্যক্ষ নিযুক্তিৰ বাবে ট্ৰাষ্ট ডীডত স্পষ্ট নিৰ্দেশনা দিয়া হৈছে।
উল্লেখ্য যে, নোৱেল টাটা টাটা ষ্টীল আৰু ঘড়ী কোম্পানী টাইটানৰ ভাইচ চেয়াৰমেন। ২০০০ চনৰ আৰম্ভণিতে টাটা গ্ৰুপত যোগদান কৰিছিল নোৱেল টাটাই। যোগদান কৰাৰ পিছৰে পৰা টাটা গ্ৰুপৰ শ্ৰীবৃদ্ধিৰ ক্ষেত্ৰত তেওঁ গুৰুত্বপূৰ্ণ ভূমিকা পালন কৰি আহিছে।
