১০ এপ্ৰিলত ভাৰত আৰু পাকিস্তানৰ মাজত যুদ্ধবিৰতি ঘোষণাৰ পাছত আজি প্ৰধানমন্ত্ৰী মোদীয়ে এখন গুৰুত্বপূৰ্ণ বৈঠক অনুষ্ঠিত কৰে। এই বৈঠকত প্ৰধানমন্ত্ৰীৰ সৈতে প্ৰতিৰক্ষা মন্ত্ৰী ৰাজনাথ সিং, চিডিএছ অমিল চৌহান, এনএছএ অজিত ডোভাল আৰু তিনিওটা সেনাৰ মুৰব্বী উপস্থিত থাকে।
এই বৈঠক দিল্লীৰ ৭ লোক কল্যাণ মাৰ্গত প্ৰধানমন্ত্ৰীৰ বাসগৃহত অনুষ্ঠিত হৈছে। এই বৈঠকত অপাৰেশ্যন সেন্দুৰৰ পিছত পাকিস্তানৰ সৈতে ক্ৰমাৎ বৃদ্ধি পোৱা উত্তেজনা সন্দৰ্ভত অনুষ্ঠিত হৈছে।
২০২৫ চনৰ ৭ মে’ত জম্মু-কাশ্মীৰৰ পহলগামত সন্ত্ৰাসবাদীয়ে ২৬ জন পৰ্যটকৰ ওপৰত কৰা আক্ৰমণৰ প্ৰতিশোধ হিচাপে এই অভিযান চলোৱা হৈছিল, য’ত পাকিস্তান আৰু পাক অধিকৃত কাশ্মীৰত ৯টা সন্ত্ৰাসবাদী ঘাটি ধ্বংস হৈছিল। এই বিমান আক্ৰমণত ১০০ জন সন্ত্ৰাসবাদী নিহত হোৱাৰ খবৰ পোৱা গৈছে।
উল্লেখ্য যে আমেৰিকাৰ ৰাষ্ট্ৰপতি ড’নাল্ড ট্ৰাম্পে ২০২৫ চনৰ ১০ মে’ শনিবাৰে ভাৰত আৰু পাকিস্তানৰ মাজত যুদ্ধবিৰতিৰ চুক্তি ঘোষণা কৰে। আমেৰিকাৰ মধ্যস্থতাত হোৱা আলোচনাৰ বাবেই সেয়া সম্ভৱ হোৱা বুলি দাবী কৰা হৈছে।
বৈদেশিক মন্ত্ৰী এছ জয়শংকৰে ১০ মে’ ত সামাজিক মাধ্যমত এই সন্দৰ্ভত তথ্য প্ৰদান কৰি লিখিছে যে, ভাৰত-পাকিস্তানে গুলীচালনা আৰু সামৰিক ব্যৱস্থা বন্ধ কৰিবলৈ সন্মত হৈছে। ভাৰতে ধাৰাবাহিকভাৱে সন্ত্ৰাসবাদৰ সকলো ৰূপ প্ৰকাশৰ বিৰুদ্ধে দৃঢ় আৰু অদম্য স্থিতি গ্ৰহণ কৰি আহিছে।
